सरकारी नोकरीची सुवर्णसंधी! UIDAI मध्ये आधार सुपरवायझर आणि ऑपरेटर पदांच्या ४१९ जागांसाठी भरती सुरु

एज्युवार्ता न्यूज नेटवर्क

भारतीय विशिष्ट ओळख प्राधिकरणात (UIDAI) अर्थात 'आधार'मध्ये नोकरी करू इच्छिणाऱ्यांसाठी महत्त्वाची बातमी समोर आली आहे. यूआयडीएआयमध्ये आधार सुपरवायझर आणि ऑपरेटर पदांसाठी (Supervisor and Operator Position) एकूण ४१९ जागांची भरती जाहीर (Recruitment for 419 posts announced) केली आहे. ही भरती देशातील २५ राज्यांमध्ये होणार असून, इच्छुक उमेदवारांसाठी ही सुवर्णसंधी आहे. विविध राज्यांमध्ये जागा उपलब्ध असल्याने स्थानिक उमेदवारांना प्राधान्य मिळणार आहे. अर्ज प्रक्रिया ऑनलाइन सुरू (Online application process has started) असून, प्रत्येक राज्यासाठी वेगवेगळी अंतिम तारीख निश्चित करण्यात आली आहे. उमेदवारांनी आपल्या राज्याची अधिकृत अधिसूचना काळजीपूर्वक वाचून अर्ज करावा, असे आवाहन करण्यात आले आहे.

या भरतीत सर्वाधिक १६१ जागा कर्नाटकात उपलब्ध आहेत. त्यानंतर बिहारमध्ये १०९, उत्तर प्रदेशमध्ये २९, पश्चिम बंगालमध्ये २५, छत्तीसगडमध्ये १८, हरियाणामध्ये १५ तर झारखंड आणि उत्तराखंडमध्ये प्रत्येकी १२ जागा आहेत. महाराष्ट्र, मध्य प्रदेश, गुजरात, गोवा, आसाम, सिक्कीम, नागालँड, अरुणाचल प्रदेश, जम्मू-काश्मीर आणि त्रिपुरा आदी राज्यांमध्येही जागा भरण्यात येणार आहेत. ही भरती यूआयडीएआच्या विविध केंद्रांवर आधार सेवांच्या विस्तारासाठी करण्यात येत आहे.

उमेदवार किमान १०वी किंवा १२वी उत्तीर्ण असणे आवश्यक आहे. याशिवाय २ वर्षांचा आयटीआय किंवा ३ वर्षांचा पॉलिटेक्निक डिप्लोमा असावा. यूआयडीएआद्वारे अधिकृत एजन्सीने दिलेले वैध ‘आधार सुपरवायझर/ऑपरेटर प्रमाणपत्र’ असणे अनिवार्य आहे. तसेच कॉम्प्युटरचे मूलभूत ज्ञान असणे गरजेचे आहे. किमान वय १८ वर्षे असावे. कमाल वय, आरक्षण आणि वयोमर्यादेतील सवलत याबाबत संबंधित राज्याच्या अधिसूचनेनुसार असेल. 

भरती प्रक्रिया पारदर्शक पद्धतीने राबवली जाणार असल्याचे यूआयडीएआने स्पष्ट केले आहे. ही नोकरी स्थिर सरकारी सेवेच्या दृष्टीने उत्तम संधी मानली जात आहे. इच्छुक उमेदवारांनी यूआयडीएआच्या अधिकृत वेबसाइटवरून सविस्तर अधिसूचना डाउनलोड करावी आणि नियमित अपडेट्स तपासावे, असे आवाहन करण्यात आले आहे.