भारतीय लष्कराकडून RVC पदासाठी भरतीची घोषणा 

 भारतीय सैन्याने रिमाउंट आणि व्हेटर्नरी कॉर्प्स (Remount and Veterinary Corps) RVC मध्ये अनेक पदांसाठी अधिकृतपणे भरतीची घोषणा केली आहे, (Recruitment announcement) त्यासाठी अर्ज मागवण्यात आले आहेत. ही भरती शॉर्ट सर्व्हिस कमिशन (एसएससी) म्हणजेच कॉर्प्समधील अधिकारी पदांसाठी पुरुष आणि महिला उमेदवारांसाठी खुली आहे. अर्ज करण्याची शेवटची तारीख २६ मे २०२५ निश्चित करण्यात आली आहे.

अर्जदारांकडे मान्यताप्राप्त संस्थेतून पशुवैद्यकीय विज्ञान (BVSc किंवा BVSc आणि AH) मध्ये पदवी असणे आवश्यक आहे. या पदांसाठी भारतीय नागरिकांसोबतच नेपाळी नागरिकही अर्ज करू शकतात. याशिवाय बर्मा, श्रीलंका, केनिया, युगांडा, टांझानिया, झांबिया, मलावी, झैरे, इथिओपिया आणि व्हिएतनाम येथून भारतात कायमचे स्थायिक होण्याच्या उद्देशाने येणारे लोक देखील यासाठी पात्र आहेत, परंतु, त्यांच्याकडे भारत सरकारने जारी केलेले पात्रता प्रमाणपत्र असणे आवश्यक आहे. 

अर्ज करणाऱ्या उमेदवारांचे वय २६ मे २०२५ रोजी २१ ते ३२ वर्षांच्या दरम्यान असावे. तथापि, राखीव श्रेणीतील उमेदवारांना वयात सूट दिली जाईल.

 अर्ज कसा करावा?
इच्छुक उमेदवारांनी भारतीय सैन्याच्या अधिकृत वेबसाइटला भेट द्यावी आणि अर्ज फॉर्म डाउनलोड करावा आणि तो भरावा आणि सामान्य किंवा स्पीड पोस्टद्वारे खाली दिलेल्या पत्त्यावर पाठवावा.

डायरेक्टरेट जनरल रिमाउंट व्हेटर्नरी सर्व्हिसेस (RV-1)
क्यूएमजी शाखा, एकात्मिक मुख्यालय, संरक्षण मंत्रालय (सेना)
वेस्ट ब्लॉक ३, ग्राउंड फ्लोअर, विंग-४
आर.के.पुरम, नवी दिल्ली ११००६६