शाळेत शिक्षक-शिक्षिकेचे अश्लिल कृत्य; व्हायरल व्हिडिओनंतर शिक्षण विभागाची मोठी कारवाई

एज्युवार्ता न्यूज नेटवर्क 

उत्तर प्रदेशातील कन्नौज जिल्ह्यातील (Uttar Pradesh News) एका सरकारी शाळेतील धक्कादायक घटनेने शैक्षणिक वर्तुळात खळबळ उडवली आहे. एका कंपोझिट प्राथमिक शाळेतील पुरुष शिक्षक आणि महिला शिक्षिका वर्गातच आक्षेपार्ह (Obscene act by a teacher) वर्तन करत असल्याचा व्हिडीओ सोशल मीडियावर व्हायरल झाला. या घटनेमुळे विद्यार्थ्यांच्या संस्कारक्षेत्रावर गंभीर परिणाम होऊ शकतो, असे मानत शिक्षण विभागाने तातडीने कारवाई (Action taken by the Education Department) करत दोन्ही शिक्षकांना निलंबित (Both teachers suspended) केले आहे.

ही घटना कन्नौज जिल्ह्यातील सौरिख ब्लॉकमधील शाळेत घडली. व्हिडीओमध्ये महिला शिक्षिका खुर्चीवर बसलेल्या दिसत असून, पुरुष शिक्षक तिच्या जवळ जाऊन अयोग्य वर्तन करताना दिसतो. व्हिडीओ व्हायरल होताच जिल्हा प्राथमिक शिक्षण अधिकारी संदीप कुमार यांनी तात्काळ चौकशीचे आदेश दिले. सौरिख गटशिक्षण अधिकारी विश्वनाथ पाठक यांच्या प्राथमिक अहवालात दोघांचे वर्तन अत्यंत आक्षेपार्ह असल्याचे नमूद करण्यात आले.

चौकशी अहवालानुसार, दोन्ही सहाय्यक शिक्षकांना तातडीने निलंबित करण्यात आले आहे. निलंबन कालावधीत एका शिक्षकाला गुगरापूर ब्लॉक रिसोर्स सेंटर तर दुसऱ्या शिक्षकाला तालग्राम बीआरसी शी जोडण्यात आले आहे. यासोबतच दोघांविरुद्ध विभागीय चौकशी सुरू करण्यात आली आहे. शाळा परिसरात असे वर्तन विद्यार्थ्यांच्या मानसिक आरोग्यासाठी हानिकारक ठरू शकते, असे मत व्यक्त करण्यात आले आहे.

शिक्षण विभागाने स्पष्ट केले की, विभागीय चौकशी पूर्ण झाल्यानंतर दोष सिद्ध झाल्यास दोघांवर कठोर कारवाई करण्यात येईल. सध्या व्हिडीओच्या सत्यतेची पडताळणीही सुरू आहे. शाळा हे पवित्र स्थान असून, तेथे असे आचरण अक्षम्य असल्याचे मत शिक्षण तज्ज्ञ व्यक्त करत आहेत.

ही घटना समोर आल्यानंतर राज्यातील शिक्षण विभागाने सर्व शाळांमध्ये शिस्त आणि नैतिकता पाळण्याबाबत सूचना जारी केल्या आहेत. प्रकरणाची पुढील चौकशी सुरू असून, लवकरात लवकर अहवाल सादर करण्याचे निर्देश देण्यात आले आहेत.