प्राध्यापक भरती संदर्भातील जनहित याचिकेवर न्यायालयाचा महत्त्वपूर्ण निकाल
राज्य शासनाने 11 फेब्रुवारी 2026 रोजी शासन निर्णय प्रसिद्ध केला आहे. त्यात स्पष्टपणे नमूद करण्यात आले आहे की विद्यापीठ अनुदान आयोगाच्या मार्गदर्शक तत्वांचे काटेकोर पालन प्राध्यापक भरती करताना करणे बंधनकारक आहे. तसेच याचिकाकर्त्याने जीआरनंतर नियमांचे उल्लंघन झाल्याचे कोणतेही उदाहरण दाखवले नाही.
eduvarta@gmail.com 
एज्युवार्ता न्यूज नेटवर्क
विद्यापीठांशी संलग्न महाविद्यालयांमधील प्राध्यापक भरती पारदर्शक पद्धतीने व्हावी यासाठी दाखल करण्यात आलेल्या जनहित याचिकेवर मुंबई उच्च न्यायालयाच्या औरंगाबाद खंडपीठाने महत्त्वाचा निर्णय दिला आहे. प्राध्यापक भरती प्रक्रिया विद्यापीठ अनुदान आयोगाच्या नियमावलीनुसार व्हावी, असे स्पष्ट करण्यात आले असून राज्य शासनाने 11 फेब्रुवारी 2026 रोजी प्रसिद्ध केलेल्या अध्यादेशामुळे याचिकाकर्त्याची तक्रार आधीच सोडवली गेली आहे. त्यामुळे न्यायालयाने प्राध्यापक भरती संदर्भातील (PIL)याचिका निकाली काढली आहे. परिणामी आता प्राध्यापक भरतीबाबत कोणताही अडथळा उरला नाही.
माजी प्राचार्य लालचंद पाटील यांनी खाजगी अनुदानित महाविद्यालयांमधील प्राध्यापक भरती गुणवत्तेच्या आधारावर व पारदर्शक पद्धतीने व्हावी, त्यात अनेकवेळा नियम पाळले जात नाहीत आणि व्यवस्थापनाचा हस्तक्षेप होतो.त्यामुळे एकसमान व पारदर्शक प्रणाली लागू करावी, याबाबत न्यायालयात याचिका दाखल केली होती.
राज्य शासनाने 11 फेब्रुवारी 2026 रोजी शासन निर्णय प्रसिद्ध केला आहे. त्यात स्पष्टपणे नमूद करण्यात आले आहे की विद्यापीठ अनुदान आयोगाच्या मार्गदर्शक तत्वांचे काटेकोर पालन प्राध्यापक भरती करताना करणे बंधनकारक आहे. तसेच याचिकाकर्त्याने जीआरनंतर नियमांचे उल्लंघन झाल्याचे कोणतेही उदाहरण दाखवले नाही.
फक्त भविष्यात नियम मोडले जातील अशी भीती व्यक्त केली. मात्र ही भीती पुरेशी नाही. त्यामुळे न्यायालयाने हे जनहित याचिका निकाली काढली. तसेच यात कोणतेही अतिरिक्त आदेश देण्याची गरज नसल्याचे स्पष्ट केले.
दरम्यान, अहमदनगर जिल्हा मराठा विद्या प्रसारक समाज या संस्थेतील प्राध्यापक भरती वादात सापडली असून त्यावर सर्वोच्च न्यायालयात सुनावणी सुरू आहे. या घटनेचा संदर्भ न्यायालयात मांडला गेला होता. त्यानंतरही न्यायालयाने महाविद्यालयातील प्राध्यापक भारतीय संदर्भात दाखल करण्यात आलेली याचिका निकाली काढली, असे याचिकाकर्त्यांचे म्हणणे आहे.
