महापालिकेचा अजब कारभार; अभ्यासिकेच्या इमारतीचा गोदामासाठी वापर.. 

एज्युवार्ता न्यूज नेटवर्क 

पुणे शहरात महापालिकेचा (Pune Municipal Corporation) अजब कारभार पाहायला मिळत आहे. वडगाव बुद्रुक येथे पालिकेकडून तब्बल ३ कोटी रुपये खर्च करून भव्यदिव्य अशी क्रांतिज्योती सावित्रीबाई फुले अभ्यासिकेसाठी (Krantijyoti Savitribai Phule  study building) इमारत उभारली आहे. मात्र, त्याचा वापर अभ्यासिकेसाठी न करता गोदाम म्हणून केला जात असल्याचे समोर आल्याने विद्यार्थ्यांसह नागरीकांकडून संताप व्यक्त केला जात आहे. त्यानंतर आता माजी नगरसेवक हरिदास चरवड (Corporator Haridas Charwad) यांच्या नेतृत्वाखाली स्थानिक नागरीक व विद्यार्थ्यांनी रस्त्यावर उतरून तीव्र आंदोलन करत पालिकेचा निषेध व्यक्त केला. त्यामुळे आता तरी महापालिकेला जाग येते का ? हे पाहाणे महत्त्वाचे ठरणार आहे. 

वडगाव बुद्रुक येथे २०२१ साली तत्कालीन मंत्री चंद्रकांत पाटील यांच्या हस्ते क्रांतिज्योती सावित्रीबाई फुले अभ्यासिकेचे दिमाखात उ‌द्घाटन केले. मात्र, केवळ विद्युत कनेक्शन देणे बाकी असल्याच्या नावाखाली ही अभ्यासिका बंद अवस्थेत आहे. यापूर्वी देखील अभ्यासिका सुरू करण्यासाठी अनेकदा महापालिकेसोबत पत्रव्यवहार करण्यात आला, मात्र ती अद्याप सुरूच झाली नाही. त्यामुळे शेकडे विद्यार्थ्यांचे भविष्य अंधरामय झाल्याचे पाहायला मिळत आहे. 
__________________________

तीन कोटी रुपये खर्च करून बांधण्यात आलेल्या इमारतीचा वापर अभ्यासिकेसाठी म्हणून करण्याऐवजी त्याचा वापर महापालिका गोदाम म्हणून करत असेल तर ते दुर्दैवी आहे. गरीब कुटुंबातील विद्यार्थी या अभ्यासिकेच्या माध्यमातून भविष्यातील अधिकारी बनतील. मात्र, महापालिकेचे काही अधिकारी हे पैसेखाऊ आहेत. प्रतिकूल परिस्थितीतून अधिकारी होऊनही आता त्यांना त्याची जाण नाही. अशा बेलगाम महापालिकेच्या अधिकाऱ्यांवर गुन्हे दाखल करण्यात यावेत.

हरिदास चरवड, माजी नगरसेवक