बॅडमिंटन स्पर्धेत हरिभाऊ गजानन देशपांडे स्कूलच्या विद्यार्थ्याचे दुहेरी यश
जिल्हा क्रीडा संकुल, बारामती येथे रविवारी २३ ऑगस्ट २०२६ रोजी आयोजित करण्यात आलेल्या अजितदादा पवार यांच्या स्मरणार्थ बॅडमिंटन स्पर्धेत १३ वर्षे वयोगटातील वरदने उल्लेखनीय खेळाचे प्रदर्शन केले.
Eduvarta
एज्युवार्ता न्यूज नेटवर्क
महाराष्ट्र एज्युकेशन सोसायटीच्या हरिभाऊ गजानन देशपांडे इंग्लिश मीडियम स्कूलमधील विद्यार्थी चि. वरद दिनेश चितळे याने बॅडमिंटन स्पर्धेत उत्कृष्ट कामगिरी करत दुहेरी यश संपादन केले.
जिल्हा क्रीडा संकुल, बारामती येथे रविवार, दि. २३ ऑगस्ट २०२६ रोजी आयोजित करण्यात आलेल्या अजितदादा पवार यांच्या स्मरणार्थ बॅडमिंटन स्पर्धेत १३ वर्षे वयोगटातील वरदने उल्लेखनीय खेळाचे प्रदर्शन केले. त्याने १३ वर्षांखालील एकेरी बॅडमिंटन स्पर्धेत प्रथम क्रमांक, तसेच १५ वर्षांखालील दुहेरी (डबल्स) प्रकारातही प्रथम क्रमांक पटकावला.
वरदच्या या उल्लेखनीय कामगिरीमुळे शाळेच्या शिरपेचात आणखी एक मानाचा तुरा रोवला गेला आहे. त्याच्या यशाबद्दल शाळेच्या वतीने त्याचे अभिनंदन करण्यात आले असून, त्याच्या मेहनतीचे व क्रीडाकौशल्याचे कौतुक करण्यात आले.
याप्रसंगी शाळा समितीचे अध्यक्ष मा. श्री. अजय पुरोहित, महामात्र मा. डॉ. श्री. गोविंद कुलकर्णी, म.ए.सो. क्रीडावर्धिनी शाळा समन्वयक मा. श्री. शैलेश आपटे तसेच शाळेच्या मुख्याध्यापिका सौ. सोनाली क्षीरसागर यांनी विजेत्या वरदचे अभिनंदन करून त्याला पुढील क्रीडा वाटचालीसाठी शुभेच्छा दिल्या.
