SPPU विद्यापीठात विद्यार्थ्यांचे तीव्र आंदोलन: कॅरी-ऑन, निकाल घोळ आणि प्रशासकीय गोंधळाला विरोध
विद्यापीठ प्रशासनाने काही मुद्द्यांवर चर्चा सुरू केल्याचे सांगितले असून, उच्च न्यायालयाने कॅरी-ऑन संदर्भात काही विद्यार्थ्यांना अंतरिम दिलासा दिला आहे. तरीही विद्यार्थ्यांनी मागण्या मान्य होईपर्यंत आंदोलन सुरू ठेवण्याचा निर्धार व्यक्त केला आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठ (SPPU) मध्ये विद्यार्थ्यांच्या विविध मागण्यांसाठी जोरदार आंदोलन सुरू (Protest Underway) आहे. अभियांत्रिकी आणि इतर पदवी अभ्यासक्रमांतील विद्यार्थ्यांनी मुख्य इमारतीसमोर एकत्र येऊन कुलगुरू कार्यालयाकडे निषेध प्रदर्शन केले. कॅरी-ऑन पद्धतीची (Carry-on Procedures) अंमलबजावणी, निकालातील त्रुटी, ग्रेस मार्क्सचा असमान वापर आणि प्रशासकीय अनागोंदी यांसारखे मुद्दे घेऊन, हे आंदोलन करण्यात आले आहे.
एक-दोन विषयांत नापास झालेल्या विद्यार्थ्यांना पुढील वर्गात प्रवेश देण्याची पूर्वीची आश्वासने पूर्ण केली जात नाहीत. अनेक विद्यार्थ्यांना ‘Year Down’ दाखवले गेले असून, त्यामुळे संपूर्ण वर्ष वाया जाण्याची भीती निर्माण झाली आहे. काही विद्यार्थ्यांनी हॉल तिकिटे मिळूनही परीक्षा वेळापत्रक न मिळाल्याचा दावा या विद्यार्थ्यांनी केला आहे. NSUI सह इतर विद्यार्थी संघटनांनी या मुद्द्यांवर तीव्र नाराजी व्यक्त केली असून, बेमुदत उपोषण आणि धरणे आंदोलन सुरू केले आहे.
इतर प्रमुख मागण्या -
परीक्षा शुल्क कमी करणे, प्रवेश प्रक्रिया स्थगित करणे, रजिस्ट्रार नियुक्तीविरोधात कारवाई आणि कँटीन-हॉस्टल सुविधांमध्ये सुधारणा. विद्यार्थ्यांनी विद्यापीठ प्रशासनावर ‘आर्थिक लूट’ आणि ‘विद्यार्थी भविष्याशी खेळ’ असा आरोप केला आहे. काही ठिकाणी पोलिसांनी हस्तक्षेप करावा लागला, यांसारख्या मागण्या या विद्यार्थी संघटनांनी केल्या आहेत.
विद्यापीठ प्रशासनाने काही मुद्द्यांवर चर्चा सुरू केल्याचे सांगितले असून, उच्च न्यायालयाने कॅरी-ऑन संदर्भात काही विद्यार्थ्यांना अंतरिम दिलासा दिला आहे. तरीही विद्यार्थ्यांनी मागण्या मान्य होईपर्यंत आंदोलन सुरू ठेवण्याचा निर्धार व्यक्त केला आहे.
