सेट परीक्षेची तारीख जाहीर; मे महिन्यात या तारखेला होणार परीक्षा

एज्युवार्ता न्यूज नेटवर्क 

SET EXAM NEWS : सावित्रीबाई फुले पुणे विद्यापीठाच्या सेट विभागातर्फे (Set Department of Savitribai Phule Pune University) महाराष्ट्र व गोवा राज्यातील विद्यार्थ्यांसाठी (students from Maharashtra and Goa state) घेतली जाणारी 'महाराष्ट्र राज्यस्तरीय पात्रता परीक्षा' (सेट-SET) येत्या 4 मे 2025 रोजी आयोजित करण्यात येणार आहे. विद्यापीठाच्या प्रभारी कुलसचिव डॉ. ज्योती भाकरे (Registrar Dr. Jyoti Bhakre)यांनी याबाबतची माहिती परिपत्रकाद्वारे प्रसिद्ध केले आहे. त्यामुळे परीक्षेच्या प्रतीक्षेत असलेल्या विद्यार्थ्यांना तयारी करण्यासाठी दिशा मिळाली आहे. 

विद्यापीठ अनुदान आयोगाप्रमाणे सेट परीक्षा ऑनलाईन पद्धतीने घेतले जाणार असल्याचे विद्यापीठातर्फे प्रसिद्ध करण्यात आले होते. मात्र, त्यानंतर ही परीक्षा ऑनलाईन होणार की ऑफलाईन होणार याबाबत विविध पातळ्यांवर चर्चा केली जात होती. परंतु विद्यापीठ अनुदान आयोगाच्या सूचनेप्रमाणे आतापर्यंत घेण्यात आलेल्या 39 सेट परीक्षेप्रमाणेच 40 वी सेट परीक्षा सुद्धा पारंपरिक पद्धतीने घेतले जाणार आहे.म्हणजेच ही परीक्षा ओएमआर बेस्ट असणार आहे.

विद्यापीठाच्या संकेतस्थळावर येत्या रविवारी 4 मे 2025 रोजी आयोजित केले जाणारे सेट परीक्षा ऑफलाइन पद्धतीनेच होणार असून परीक्षेसंदर्भातील सविस्तर वेळापत्रक अभ्यासक्रम व इतर अनुषंगिक माहिती वेळोवेळी विद्यापीठाच्या संकेतस्थळावर प्रसिद्ध केली जाणार आहे, असेही डॉ.ज्योती भाकरे यांनी परिपत्रकाद्वारे प्रसिद्ध केले आहे.