NEET UG परीक्षा देण्याच्या प्रयत्नांवर निर्बंध येणार ?
NEET UG परीक्षा JEE Main (NEET UG 2025) च्या धर्तीवर आयोजित करण्याची योजना आखली जात आहे. आता विद्यार्थ्यांना NEET UG परीक्षा देण्यासाठी जास्तीत जास्त 4 संधी मिळतील. NEET UG च्या प्रयत्नांची मर्यादा आत्तापर्यंत निश्चित न केल्यामुळे अनेक विद्यार्थी 7-8 वेळा परीक्षा देत होते.
eduvarta@gmail.com 
एज्युवार्ता न्यूज नेटवर्क
देशातील वैद्यकीय महाविद्यालयांमध्ये प्रवेश घेण्यासाठी राष्ट्रीय पात्रता सह प्रवेश परीक्षा (पदव्युत्तर) (National Eligibility cum Entrance Test Undergraduate) NEET UG परीक्षा उत्तीर्ण होणे आवश्यक आहे. इतर देश देखील NEET पात्रता गुणांच्या आधारे भारतीय विद्यार्थ्यांना प्रवेश देतात. आतापर्यंत ही परीक्षा कितीही वेळा देता येत होती, पण आता यावर निर्बंध येण्याची शक्यता आहे. (could be restriction on the number of attempts for the NEET exams)
नॅशनल टेस्टिंग एजन्सीने (National Testing Agency) NTA NEET UG परीक्षेत अनेक बदल जाहीर केले आहेत. मीडिया रिपोर्टनुसार, आता विद्यार्थ्यांना या परीक्षेसाठी फक्त चार वेळा प्रयत्न करता येणार आहे. याचा अर्थ आता विद्यार्थ्यांना NEET UG परीक्षा देण्याच्या जास्त संधी मिळणार नाहीत.
मीडिया रीपोर्टनुसार, NEET UG परीक्षा JEE Mains च्या (NEET UG 2025) धर्तीवर आयोजित करण्याची योजना आखली जात आहे. आता विद्यार्थ्यांना NEET UG परीक्षा देण्यासाठी जास्तीत जास्त 4 संधी मिळतील. NEET UG च्या प्रयत्नांची मर्यादा आत्तापर्यंत निश्चित न केल्यामुळे अनेक विद्यार्थी 7-8 वेळा परीक्षा देत होते.
याशिवाय, NTA ने समिती परीक्षांमधून आउटसोर्सिंग पूर्णपणे काढून टाकण्याचा विचार करत आहे. यासोबतच केंद्रीय विद्यालय आणि नवोदय विद्यालयांना कायमस्वरूपी परीक्षा केंद्र म्हणून विकसित करण्याची शिफारसही करण्यात आली आहे. सध्या प्रत्येक जिल्ह्यात 1 नवोदय विद्यालय आहे, तर अनेक जिल्ह्यांमध्ये नवोदय विद्यालय आणि केंद्रीय विद्यालय दोन्ही आहेत. याशिवाय इतर सरकारी संस्थांनाही याच्याशी जोडण्याची सूचना करण्यात आली आहे.
