'एमपीएसी'च्या १८८४ पदांसाठी १२ जुलै रोजी परीक्षा, मार्गदर्शक सूचना जाहीर
मुख्य परीक्षा एकूण ४०० गुणांची असेल. त्यात प्रत्येकी २०० गुणांचे दोन पेपर असतील. परीक्षेत १/४ म्हणजे २५ टक्के नकारात्मक गुणपद्धती लागू राहणार आहे. एखाद्या प्रश्नासाठी एकापेक्षा अधिक पर्याय निवडल्यास ते उत्तर चुकीचे मानले जाईल आणि त्यासाठी गुण कपात केली जाईल.
eduvarta@gmail.com 
एज्युवार्ता न्यूज नेटवर्क
महाराष्ट्र लोकसेवा आयोगाने (MPSC) महाराष्ट्र गट-‘क’ सेवा संयुक्त मुख्य परीक्षा-२०२५ च्या तारखा (Services Main Examination – 2025) आणि मार्गदर्शक सूचना जाहीर (Guidelines Announced) केल्या आहेत. आयोगाच्या जाहिरातीनुसार, ही मुख्य परीक्षा १२ जुलै २०२६ रोजी (The main examination is on July 12, 2026) नागपूर, अमरावती, छत्रपती संभाजीनगर, नाशिक, नवी मुंबई आणि पुणे या सहा केंद्रांवर एकाच दिवशी घेण्यात येणार आहे. यापूर्वी ६ ऑक्टोबर २०२५ रोजी प्रसिद्ध झालेल्या जाहिरातीनुसार पूर्व परीक्षा ११ जानेवारी २०२६ रोजी घेण्यात आली होती आणि त्याचा निकाल ४ मे २०२६ रोजी जाहीर करण्यात आला.परीक्षा स्वरूप आणि
मुख्य परीक्षा एकूण ४०० गुणांची असेल. त्यात प्रत्येकी २०० गुणांचे दोन पेपर असतील. परीक्षेत १/४ म्हणजे २५ टक्के नकारात्मक गुणपद्धती लागू राहणार आहे. एखाद्या प्रश्नासाठी एकापेक्षा अधिक पर्याय निवडल्यास ते उत्तर चुकीचे मानले जाईल आणि त्यासाठी गुण कपात केली जाईल. उमेदवारांनी सूचनांचे काटेकोर पालन करणे गरजेचे आहे.एकूण १८८४
या भरती प्रक्रियेद्वारे एकूण १८८४ पदे भरली जाणार आहेत. यात लिपिक-टंकलेखकाची १६७३, कर सहाय्यकाची ७३, दुय्यम निरीक्षकाची १२५, उद्योग निरीक्षकाची ९ आणि तांत्रिक सहाय्यकाची ४ पदे आहेत. ही पदे विविध सरकारी विभागांमध्ये उपलब्ध आहेत.
उद्योग निरीक्षक पदासाठी अभियांत्रिकी किंवा विज्ञान शाखेतील डिप्लोमा/पदवी आवश्यक आहे, तर इतर पदांसाठी कोणत्याही शाखेतील पदवी पुरेशी आहे. कर सहायक आणि लिपिक पदांसाठी मराठी किंवा इंग्रजी टंकलेखन ज्ञान अनिवार्य आहे. दुय्यम निरीक्षक पदासाठी उंचीची अट (पुरुष-१६५ सेमी, महिला-१५५ सेमी) लागू आहे. ऑनलाइन अर्ज शुल्क भरण्याची अंतिम तारीख ४ जून, चलन मिळविण्याची ६ जून आणि बँकेत शुल्क जमा करण्याची ८ जून २०२६ आहे.
