इंद्रायणीनगर प्रियदर्शनी स्कूलचा निकाल 100 टक्के; 179 विद्यार्थी डिस्टिंक्शनमध्ये, निकालाची उज्वल परंपरा कायम
प्रणित आढाव हिने 96 टक्के गुण मिळवत प्रथम क्रमांक पटकावला असून ईशा नवले हिने 95.60% गुण मिळवत दुसरा क्रमांक पटकावला आहे. तर आर्या देसाई, धनश्री लोंढे, जरीना अन्सारी यांनी संयुक्तपणे तिसरा क्रमांक पटकावला आहे. तिघींनाही 95.40% गुण मिळाले.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य माध्यमिक व उच्च माध्यमिक शिक्षण मंडळातर्फे घेण्यात आलेल्या इयत्ता दहावीच्या परीक्षेत भोसरी येथील इंद्रायणी नगर प्रियदर्शनी शाळेचा निकाल शंभर टक्के लागला आहे. दरवर्षीप्रमाणे यंदाही शाळेने निकालाची उज्वल परंपरा कायम राखली आहे. परीक्षेसाठी प्रविष्ट झालेल्या 242 विद्यार्थ्यांपैकी 179 विद्यार्थ्यांनी डिस्टिंक्शन मिळवले आहे.
प्रियदर्शनी इंद्रायणी नगर स्कूलमध्ये प्रणित आढाव हिने 96 टक्के गुण मिळवत प्रथम क्रमांक पटकावला असून ईशा नवले हिने 95.60% गुण मिळवत दुसरा क्रमांक पटकावला आहे. तर आर्या देसाई, धनश्री लोंढे, जरीना अन्सारी यांनी संयुक्तपणे तिसरा क्रमांक पटकावला आहे. तिघींनाही 95.40% गुण मिळाले.
शाळेच्या 48 विद्यार्थ्यांनी 90 टक्क्यांपेक्षा अधिक गुण मिळवले असून 80 ते 90 टक्क्यांच्या दरम्यान 99 विद्यार्थी आहेत. विद्यार्थ्यांनी दरवर्षीप्रमाणे यंदाही दहावीच्या निकालात उज्वल कामगिरी दाखविले याबद्दल पालकांकडून विद्यार्थ्यांचे व शाळेच्या शिक्षकांचे कौतुक केले जात आहे.
विद्यार्थ्यांच्या या उल्लेखनीय यशाबद्दल शाळेच्या संस्थापिका श्रीमती तरुणा सिंग ,व्यवस्थापकीय संचालक डॉ. राजेंद्र सिंग ,नरेंद्र सिंग यांनी अभिनंदन केले आहे. शिक्षकांचे योग्य मार्गदर्शन ,अभ्यासातील सातत्य ,विद्यार्थ्यांचे प्रयत्न आणि शिस्त यामुळे विद्यार्थ्यांना हे यश मिळाले, असे मत शाळेच्या मुख्याध्यापिका ॲड.अर्पिता दीक्षित यांनी व्यक्त केले आहे.
