गोविंद पानसरे लिखित शिवाजी कोण होता? या पुस्तकाचे सामूहिक वाचन
कार्यक्रमाच्या सुरुवातीला महापुरुषांच्या फोटोंना पुष्प अर्पण करून अभिवादन करण्यात आले. तसेच भारतीय संविधानाच्या उद्देशिकेचे सामूहिक वाचन करण्यात आले. त्यानंतर शिवाजी कोण होता ? या पुस्तकाचे वाटप करून सामूहिक वाचन उपक्रमास सुरूवात झाली.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाच्या आवारातील छत्रपती शिवाजी महाराजांच्या पुर्णाकृती पुतळ्याच्या परिसरामध्ये १ मे २०२६ रोजी सायंकाळी ५ ते ७ दरम्यान विविध संघटनांनी एकत्र येऊन गोविंद पानसरे लिखित 'शिवाजी कोण होता' ? या पुस्तकाचे सामुहिक वाचन केले. महाराष्ट्र दिन, कामगार दिन व बौद्ध पौर्णिमेचे औचित्य साधून विद्यापीठ विद्यार्थी संघर्ष कृती समिती ( विद्यापीठ युनिट ) ने या उपक्रमाचे आयोजन केले होते.
कार्यक्रमाच्या सुरुवातीला महापुरुषांच्या फोटोंना पुष्प अर्पण करून अभिवादन करण्यात आले. तसेच भारतीय संविधानाच्या उद्देशिकेचे सामूहिक वाचन करण्यात आले. त्यानंतर शिवाजी कोण होता ? या पुस्तकाचे वाटप करून सामूहिक वाचन उपक्रमास सुरूवात झाली.यावेळी विद्यापीठांमधील विविध विद्यार्थी , आंबेडकरी व पुरोगामी पक्ष संघटनांच्या पदाधिकारी व कार्यकर्ते सहभागी झाले होते.
यामध्ये वंचित बहुजन आघाडीचे अरविंद तायडे, सम्यक विद्यार्थी आंदोलन , प्रज्योत गायकवाड, चैतन्य इंगळे, राष्ट्रवादी विद्यार्थी काँग्रेस (शरद पवार) अजय जाधव, अमन बागवान, NSUI सुशांत धसाडे, सत्यशोधक विद्यार्थी आघाडी विजयकुमार बनसोडे, अभिजीत जाधव, राष्ट्र सेवा दल व छात्रभारतीचे अभिजीत आंब्रे, दीप्ती जाधव , श्रीकृष्ण ब्राह्मणकर, सागर,अभिषेक , साऊ ट्रस्टच्या माया मुळे, आंबेडकरी विद्यार्थी कार्यकर्ते बसवराज सोनकांबळे, व मुख्य आयोजक विद्यापीठ विद्यार्थी संघर्ष कृती समिती ( विद्यापीठ युनिट ) चे अरूण जाधव, सुमेध चंदनशिवे, प्रणव गायकवाड, राजन लगड , श्रीकांत कांबळे, सुदर्शन राऊत, अनुष्का पाटुळे इ. पक्ष संघटनांचे विद्यार्थी प्रतिनिधी, संघटना पदाधिकारी,व सामाजिक कार्यकर्ते मोठ्या संख्येने उपस्थिती व सहभागी झाले होते.
या सामूहिक वाचन उपक्रमाचे सुत्रसंचलन अभिषेक शेलकर, प्रास्ताविक राहुल ससाणे, संविधान उद्देशिका वाचन सुरज चवणे व आभारप्रदर्शन अभिजीत जाधव यांनी केले. पुस्तक वाचन नितिन आंधळे, माया मुळे, ज्ञानेश्वरी शेळके, वैष्णवी मेटे, अमन बागवान, अनुष्का पाटुळे, वैभव शिंदे यांनी केले.
