भारतीय रेल्वेत नोकरीची मोठी संधी, ६५६५ जागांसाठी भरती प्रक्रिया सुरू

एज्युवार्ता न्यूज नेटवर्क 

रेल्वेमध्ये सरकारी नोकरीचे स्वप्न पाहणाऱ्या तरुणांसाठी एक आनंदाची बातमी आहे. रेल्वे भरती मंडळाने (RRB) टेक्निशियन ग्रेड १ आणि ग्रेड ३ ची ६ हजार ५६५ रिक्त पदे (6,565 Vacant Posts) भरण्यासाठीची अधिसूचना जारी (Notification issued) केली आहे. अधिसूचनेनुसार, या भरतीसाठी अर्ज प्रक्रिया ३० जून रोजी सुरू होईल (Application process starts from June 30th) आणि २९ जुलै २०२६ या अंतिम तारखेपर्यंत सुरू राहील. अधिसूचनेनुसार, आरआरबी टेक्निशियन ग्रेड १ सिग्नलची ३२३ पदे आणि टेक्निशियन ग्रेड ३ ची ६ हजार २४२ रिक्त पदे भरणार आहे. इच्छुक आणि पात्र उमेदवारांना अधिकृत संकेतस्थळ rrbapply.gov.in वर जाऊन ऑनलाइन पद्धतीने अर्ज करावा लागेल. 

आरआरबी टेक्निशियन ग्रेड १ पदांसाठी अर्ज करण्यासाठी, उमेदवाराकडे संबंधित क्षेत्रात बी.एस्सी./बी.टेक./बी.ई./३ वर्षांचा पॉलिटेक्निक डिप्लोमा असणे आवश्यक आहे. उमेदवाराचे किमान वय १८ वर्षे आणि कमाल वय ३३ वर्षांपेक्षा जास्त नसावे. रेल्वे टेक्निशियन ग्रेड ३ पदांसाठी अर्ज करण्यासाठी, उमेदवाराने मान्यताप्राप्त बोर्डातून १० वी उत्तीर्ण केलेली असावी आणि त्याच्याकडे आयटीआय असणे आवश्यक आहे. ग्रेड ३ पदांसाठी किमान वय १८ वर्षे आणि कमाल वय ३० वर्षे आहे.

या भरतीसाठी सर्वसामान्य, ओबीसी आणि ईडब्ल्यू प्रवर्गातील उमेदवारांना ५०० रुपये अर्ज शुल्क भरावा लागेल. तर एसी, एसटी, पीडब्ल्यूबीडी, महिला उमेदवार आणि माजी सैनिक यांनी २५० रुपये अर्ज शुल्क आहे. तसेच परीक्षेत भाग घेतल्यानंतर सामान्य श्रेणीला ४०० रुपये आणि आरक्षित श्रेणीला २५० रुपये परत केले जातील. या भरतीमध्ये निवड होण्याकरिता, उमेदवारांना सर्वप्रथम सीबीटी परीक्षा द्यावी लागेल. यशस्वी उमेदवारांना त्यानंतर कागदपत्र पडताळणी आणि वैद्यकीय तपासणीसाठी बोलावले जाईल. सर्व टप्प्यांमध्ये यशस्वी ठरलेल्या उमेदवारांना रिक्त पदांवर नियुक्तीची संधी दिली जाईल.