महाराष्ट्र बोर्ड १२वी निकालाची प्रतीक्षा संपली? DigiLocker वर ‘Coming Soon’चा संकेत

एज्युवार्ता न्यूज नेटवर्क 

राज्यातील बारावीची परीक्षा (Class 12 Examination) दिलेल्या लाखो विद्यार्थ्यांची प्रतीक्षा आता संपण्याच्या मार्गावर असल्याचे संकेत बोर्डाकडून देण्यात आले आहेत. महाराष्ट्र राज्य माध्यमिक आणि उच्च माध्यमिक शिक्षण मंडळ (Education Board) लवकरच इयत्ता १२वी परीक्षेचा निकाल जाहीर (12th Class Results Declared) करण्याची शक्यता आहे. दरम्यान, DigiLocker या अधिकृत डिजिटल प्लॅटफॉर्मवर ‘Class 12 Result 2026 Coming Soon…’ (Coming Soon – Indications) असा संदेश दिसू लागल्याने निकाल कधीही जाहीर होऊ शकतो, अशी चर्चा रंगली आहे.

मिळालेल्या माहितीनुसार, निकाल जाहीर करण्यापूर्वी मंडळाकडून पत्रकार परिषद घेतली जाईल. त्यानंतर अधिकृत संकेतस्थळ hscresult.mkcl.org वर निकालाची थेट लिंक सक्रिय करण्यात येईल. लिंक सुरू झाल्यानंतर विद्यार्थी आपला रोल नंबर आणि आईचे माहेरचे नाव टाकून सहज निकाल पाहू शकतील. तसेच गुणपत्रिकेची डिजिटल प्रत डाउनलोड करण्याची सुविधाही उपलब्ध असेल.

यंदाही विज्ञान, कला, वाणिज्य आणि व्यावसायिक अशा सर्व शाखांचे निकाल एकाचवेळी जाहीर होणार आहेत. निकालासोबतच शाखानिहाय उत्तीर्णतेची टक्केवारी, एकूण निकालाचा टक्का आणि इतर सांख्यिकीय माहिती जाहीर केली जाणार आहे. मागील वर्षी विज्ञान शाखेचा निकाल ९७.३५%, वाणिज्य ९२.६८%, कला ८०.५३% आणि व्यावसायिक शाखेचा ८३.३% इतका होता.

असा तपासू शकता तुमचा निकाल 

महाराष्ट्र बोर्डाचा १२वीचा निकाल तपासण्यासाठी, सर्वप्रथम hscresult.mkcl.org या अधिकृत वेबसाइटला भेट द्या. वेबसाइटच्या होम पेजवरील 'results' लिंकवर क्लिक करा. तुमचा रोल नंबर आणि आईचे पहिले नाव टाका आणि 'View Results' बटणावर क्लिक करून निकाल पहा. त्यानंतर स्क्रीनवर निकाल उघडेल, ज्यामुळे तुम्ही तो तपासू शकाल आणि तुमच्या गुणपत्रिकेची डिजिटल प्रत डाउनलोड करू शकाल.