विद्यापीठाच्या प्रभारी कुलसचिव पदी डॉ. प्रफुल्ल पवार
माजी कुलसचिव डॉ.प्रफुल्ल पवार यांच्याकडे प्रभारी कुलसचिव पदाची धुरा सोपवण्यात आली आहे. विद्यापीठाचे प्र कुलगुरू डॉ.पराग काळकर यांनी प्रफुल पवार यांचे पुष्पगुच्छ देऊन स्वागत केले.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाचे माजी कुलसचिव डॉ.प्रफुल्ल पवार यांच्याकडे विद्यापीठाच्या कुलसचिव पदाचा अतिरिक्त पदभार सोपवण्यात आला आहे. गेल्या काही महिन्यांपासून कुलसचिव पदाबाबत विद्यापीठ प्रशासनामध्ये गोंधळाचे वातावरण निर्माण झाले होते. त्यानंतर आता डॉ.प्रफुल्ल पवार यांच्याकडे प्रभारी कुलसचिव पदाची धुरा सोपविण्यात आली आहे.
सावित्रीबाई फुले पुणे विद्यापीठाच्या कुलसचिव पदी कोण विराजमान होणार याबाबत सुमारे दोन वर्षांपासून उलट सुलट चर्चा सुरू आहेत. डॉ.प्रफुल्ल पवार यांचा कार्यकाल संपुष्टात आल्यानंतर डॉ. विजय खरे यांच्याकडे प्रभारी कुलसचिव पदाची सूत्रे देण्यात आली होती. त्यानंतर डॉ.ज्योती भाकरे यांच्याकडे पदभार सोपविण्यात आला.
भाकरे यांनी पदभार सोडल्यानंतर विद्यापीठाच्या वित्त व लेखा अधिकारी चारुशीला गायके यांच्याकडे प्रभारी कुलसचिव पदाची सूत्रे देण्यात आली होती. आता माजी कुलसचिव डॉ.प्रफुल्ल पवार यांच्याकडे प्रभारी कुलसचिव पदाची धुरा सोपवण्यात आली आहे. विद्यापीठाचे प्र कुलगुरू डॉ.पराग काळकर यांनी प्रफुल पवार यांचे पुष्पगुच्छ देऊन स्वागत केले.
