तेलंगणा, उत्तर प्रदेशात सेवेतील शिक्षकांसाठी स्वतंत्र टीईटी; महाराष्ट्रात निर्णय कधी होणार?
तेलंगणा व उत्तर प्रदेश या सारख्या राज्यांमध्ये सेवेत असलेल्या शिक्षकांसाठी स्वतंत्र टीईटी परीक्षा घेत जात आहेत. उत्तर प्रदेश सरकारने याबाबतचे नोटिफिकेशन प्रसिद्ध केले आहे. तसेच तेलंगणा सरकारने याबाबतचे नोटिफिकेशन प्रसिद्ध करून परीक्षा सुद्धा घेतली आहे. त्यामुळे महाराष्ट्र सरकारने याबाबत सकारात्मक निर्णय घ्यावा, अशी मागणी केली जात आहे.
Eduvarta
एज्युवार्ता न्यूज नेटवर्क
शिक्षक पात्रता परीक्षा अर्थात TET परीक्षा सर्व शिक्षकांना बंधनकारक करण्यात आल्यामुळे देशभरातील शिक्षकांच्या नोकरीवर गदा आले आहे. मात्र, तेलंगणा व उत्तर प्रदेश सरकारने सेवेत असलेल्या शिक्षकांसाठी स्वतंत्र टीईटी परीक्षा घेण्याचा निर्णय जाहीर केला आहे. त्यामुळे या शिक्षकांना दिलासा मिळणार आहे. देशातील इतर राज्य सेवेतील शिक्षकांसाठी स्वतंत्र टीईटी परीक्षा घेत असेल तर महाराष्ट्र शासनाने सुद्धा या दृष्टीने निर्णय घ्यावा, अशी मागणी केली जात आहे.
सर्वोच्च न्यायालयाच्या आदेशानुसार देशभरातील शिक्षकांना टीईटी परीक्षा बंधनकारक करण्यात आली. महाराष्ट्रात घेतल्या जाणाऱ्या टीईटी परीक्षेचा पेपर फुटल्यामुळे गोंधळाची परिस्थिती निर्माण झाली. राज्य शासनाने यापुढील काळात टीईटी परीक्षा ऑनलाईन पद्धतीने घेतली जाईल, अशी घोषणा अधिवेशनात केली. मात्र, अद्याप त्यावर कोणत्याही हालचाली होत असल्याचे दिसून येत नाही. याउलट तेलंगणा व उत्तर प्रदेश या सारख्या राज्यांमध्ये सेवेत असलेल्या शिक्षकांसाठी स्वतंत्र टीईटी परीक्षा घेत जात आहेत. उत्तर प्रदेश सरकारने याबाबतचे नोटिफिकेशन प्रसिद्ध केले आहे. तसेच तेलंगणा सरकारने याबाबतचे नोटिफिकेशन प्रसिद्ध करून परीक्षा सुद्धा घेतली आहे. त्यामुळे महाराष्ट्र सरकारने याबाबत सकारात्मक निर्णय घ्यावा, अशी मागणी केली जात आहे.
राज्याचे माजी प्राथमिक शिक्षण संचालक दिनकर टेमकर म्हणाले, टीईटी पेपर फुटीनंतर शासनाने पुढील टीईटी परीक्षेबाबत निर्णय घेतला नाही.त्यामुळे शिक्षक चिंतेत आहेत. तेलंगणा आणि उत्तर प्रदेश या राज्य सरकारने घेतलेल्या निर्णयाप्रमाणे महाराष्ट्र शासनाने सेवेत असलेल्या शिक्षकांसाठी वेगळी TET परीक्षा घ्यावी. शिक्षकांच्या अडचणी समजून घेऊन शासनाने यावर सकारात्मक निर्णय घ्यावा.
महापालिका नगरपालिका प्राथमिक शिक्षक संघाचे राज्य अध्यक्ष सचिन डिंबळे म्हणाले,देशभरातील शिक्षकांच्या प्रश्नावर त्या त्या राज्य शासनाकडून सकारात्मक निर्णय घेतले जात आहेत. तेलंगणा व उत्तर प्रदेश प्रमाणे महाराष्ट्र शासनाने सुद्धा सेवेत असणाऱ्या शिक्षकांसाठी स्वतंत्र टीईटी परीक्षा घेऊन हजारो शिक्षकांना दिलासा द्यावा.
