प्राध्यापक भरतीवर मुख्यमंत्री देवेंद्र फडणवीसांची मोठी घोषणा; 80 टक्के रिक्त पदांची भरती लवकरच
एनआयआरएफ रँकिंगमध्ये विद्यापीठांचे गुण कमी झाल्यामुळे रँकिंग खाली आले आहे. एनआयआरएफ रँकिंगमध्ये विद्यार्थी व शिक्षक यांच्या गुणोत्तराचे गुण कमी झाले असल्याची माहिती मी कुलगुरूंकडून घेलली आहे.
eduvarta@gmail.com 
एज्युवार्ता न्यूज नेटवर्क
राज्यातील विद्यापीठांमध्ये प्राध्यापकांची संख्या कमी आहे ही बाब खरी आहे. प्राध्यापक भरती (Faculty recruitment)पारदर्शक पद्धतीने व्हावी, यासाठी राज्यपाल कार्यालयाकडून काही कार्यपद्धती सुचवण्यात आली होती. ही कार्यपद्धती पूर्ण झाली असून नव्या केलेल्या बदलानुसार 80 टक्के पदे भरली जातील तसेच उर्वरित 20 टक्के पदे भरण्यास आम्ही लवकरच मान्यता देऊ,अशी माहिती राज्याचे मुख्यमंत्री देवेंद्र फडणवीस (Chief Minister Devendra Fadnavis)यांनी रविवारी पत्रकांना दिली.
पुण्यातील सीओईपी तंत्रज्ञान विद्यापीठाच्या कार्यक्रमानंतर मुख्यमंत्री देवेंद्र फडणवीस पत्रकारांशी बोलत होते. राज्याचे उच्च व तंत्रशिक्षण मंत्री चंद्रकांत पाटील, (Higher and Technical Education Minister Chandrakant Patil) सावित्रीबाई फुले पुणे विद्यापीठाच्या सल्लागार मंडळाचे सदस्य राजेश पांडे आदी यावेळी उपस्थित होते.
पत्रकारांनी प्राध्यापकांच्या रिक्त पदाबाबत विचारलेल्या प्रश्नाला उत्तर देताना फडणवीस म्हणाले, प्राध्यापक भरती प्रक्रिया संदर्भात लवकरच निर्णय घेतला जाईल. त्याचप्रमाणे एनआयआरएफ रँकिंगमध्ये विद्यापीठांचे गुण कमी झाल्यामुळे रँकिंग खाली आले आहे. एनआयआरएफ रँकिंगमध्ये विद्यार्थी व शिक्षक यांच्या गुणोत्तराचे गुण कमी झाले असल्याची माहिती मी कुलगुरूंकडून घेलली आहे. राज्यातील विद्यापीठांच्या कुलगुरूंही या याबाबत सविस्तर चर्चा केली आहे. विद्यापीठांचे इतर घटकांचे गुण कमी न होता कसे वाढवता येतील,या दृष्टीने पुढे सुधारणा केल्या जातील.
दरम्यान, राज्यातील प्राध्यापक संघटनांनी राज्याचे उच्च शिक्षण संचालक कार्यालयासमोर आंदोलन आंदोलन सुरू केले आहे. येत्या 15 सप्टेंबरपासून येत्या आझाद मैदान येथे आंदोलन केले जाणार आहे.त्यामुळे प्राध्यापक भरती प्रक्रिया केव्हा सुरू होणार हे पाहणे उत्सुकतेचे आहे.
