कृषी अभ्यासक्रम प्रवेश २०२६: नोंदणीला मुदतवाढ, ३१ जुलैपर्यंत ऑनलाइन अर्जाची संधी

एज्युवार्ता न्यूज नेटवर्क 

महाराष्ट्र राज्य सामाईक प्रवेश परीक्षा कक्षाने कृषी अभ्यासक्रमांच्या केंद्रीभूत प्रवेश नोंदणीस मुदतवाढ (Extension of agricultural registration)  जाहीर केली आहे. बी.एस्सी. (ऑनर्स) कृषी, उद्यानविद्या, वनविद्या, मत्स्य विज्ञान आदी व्यावसायिक पदवी अभ्यासक्रमांसाठी नोंदणी प्रक्रिया १० जुलै २०२६ (Agriculture Course Admission 2026) पासून सुरू झाली होती. मूळ अंतिम तारीख २५ जुलै होती, ती आता ३१ (Agriculture Entry Last Date 31 July 2026) जुलै २०२६ पर्यंत वाढवण्यात आली आहे. या मुदतवाढीमुळे इच्छुक विद्यार्थ्यांना अधिक संधी उपलब्ध झाली आहे. आतापर्यंत राज्यात २१ हजार ४२७ विद्यार्थ्यांनी नोंदणी केली असून, गेल्या वर्षी २३ हजार ३६ विद्यार्थ्यांनी अर्ज केले होते. अधिकाधिक विद्यार्थ्यांनी या संधीचा लाभ घ्यावा, असे आवाहन CET कक्षाने केले आहे.

राज्यातील चार कृषी विद्यापीठांअंतर्गत चालणाऱ्या नऊ पदवी अभ्यासक्रमांसाठी ही नोंदणी प्रक्रिया राबवली जात आहे. कृषी अभियांत्रिकी वगळता इतर सर्व शाखांसाठी MHT-CET, JEE सोबत NEET परीक्षेचाही समावेश पात्रतेमध्ये करण्यात आला आहे. राज्यातील १९५ कृषी महाविद्यालयांमध्ये प्रथम वर्षाच्या प्रवेश क्षमता १७ हजार ५८६ इतकी आहे. पात्र विद्यार्थ्यांनी www.mahacet.org या अधिकृत संकेतस्थळावरून ऑनलाइन नोंदणी करणे बंधनकारक आहे. अर्जासोबत सर्व आवश्यक कागदपत्रे आणि प्रमाणपत्रे स्कॅन करून अपलोड करावी लागतील. 

कृषी क्षेत्रात करिअर घडवू इच्छिणाऱ्या विद्यार्थ्यांसाठी ही अभ्यासक्रम अत्यंत महत्वाचे आहेत. बी.एस्सी. (ऑनर्स) कृषी, बी.एस्सी. (ऑनर्स) उद्यानविद्या, बी.एस्सी. (ऑनर्स) वनविद्या, बी.एफ.एस्सी. मत्स्य विज्ञान, बी.टेक. अन्न तंत्रज्ञान, बी.एस्सी. (ऑनर्स) सामुदायिक विज्ञान इत्यादी अभ्यासक्रमांमध्ये प्रवेश घेण्यासाठी विद्यार्थ्यांनी तात्काळ नोंदणी करावी. CET कक्षाने प्रवेश प्रक्रिया, पात्रता निकष, आवश्यक कागदपत्रे, नियमावली आणि वेळापत्रक याबाबतची सविस्तर माहिती संकेतस्थळावर उपलब्ध करून दिली आहे. विद्यार्थ्यांनी नियमितपणे संकेतस्थळावर भेट देऊन अद्ययावत सूचना जाणून घ्याव्यात.

मुदतवाढीमुळे विद्यार्थ्यांना परीक्षा निकाल आणि कागदपत्रे तयार करण्यासाठी अतिरिक्त वेळ मिळाला आहे. विशेषत: NEET परीक्षेनंतर अनेक विद्यार्थी कृषी क्षेत्राकडे वळत आहेत. CET कक्षाने सर्व पात्र उमेदवारांना केंद्रीभूत प्रवेश प्रक्रियेत सहभागी होण्याचे आवाहन केले आहे. यामुळे प्रवेश प्रक्रिया अधिक पारदर्शक आणि सुसूत्रित होईल. 

विद्यार्थ्यांनी अर्ज भरताना सर्व माहिती अचूक भरावी आणि अपलोड केलेल्या कागदपत्रांची खात्री करावी. चुकीच्या माहितीमुळे अर्ज नाकारला जाऊ शकतो. शैक्षणिक वर्ष २०२६-२७ साठी ही संपूर्ण प्रवेश प्रक्रिया ऑनलाइन पद्धतीने पार पडणार असून, महाराष्ट्रातील कृषी शिक्षणाला बळकटी मिळेल, अशी अपेक्षा व्यक्त केली जात आहे.