UPSC परीक्षा अर्ज दुरुस्तीसाठी आजपासून दुरुस्ती विंडो खुली
UPSC नागरी सेवा पूर्व परीक्षाची अर्जातील दुरुस्तीसाठी दुरुस्ती विंडो 13 मार्चपर्यंत राहणार खुली.
eduvarta@gmail.com 
एज्युवार्ता न्यूज नेटवर्क
केंद्रीय लोकसेवा आयोगाने आजपासून UPSC नागरी सेवा पूर्व परीक्षेच्या (Civil Services Pre-Examination) अर्जातील दुरुस्तीसाठी दुरुस्ती विंडो खुली (changes window open) केली आहे. ज्या उमेदवारांनी नोंदणी (Registration of candidates) केली आहे आणि त्यामध्ये कोणती दुरुस्ती करायची आहे ते सर्व उमेदवार आजपासून अधिकृत वेबसाइट upsconline.nic.in ला भेट देऊन सुधारणा विंडोद्वारे त्यांच्या अर्जात बदल करू शकतात. ही विंडो 13 मार्च पर्यंत खुली राहणार आहे.
या कालावधीत उमेदवारांना OTR प्रोफाइलमध्ये कोणतेही बदल करायचे असल्यास, OTR प्लॅटफॉर्मवर लॉग इन करून तसे करू शकतात. अर्जाच्या पद्धतीत बदल करण्यासाठी विंडोला भेट देऊन OTR प्रोफाइलमध्ये कोणतेही बदल केले जाऊ शकत नाहीत. अर्ज सादर केल्यानंतर उमेदवारांना अर्ज मागे घेण्याची परवानगी दिली जाणार नाही.
अशी करा दुरुस्ती
UPSC ची अधिकृत वेबसाइट upsconline.nic.in ला भेट द्या. मुख्यपृष्ठावरील UPSC CS परीक्षेसाठी संबंधित लिंकवर क्लिक करा. ईमेल आयडी, मोबाईल नंबर, ओटीआर आयडी आणि पासवर्डसह पोर्टलवर लॉग इन करा. सूचनांचे पालन करा आणि आवश्यक बदल/दुरुस्ती करा. त्यानंतर UPSC CSE 2024 अर्ज सबमिट करा.
