पीएम इंटर्नशिप योजनेसाठी नोंदणीची तारीख 15 नोव्हेंबरपर्यंत वाढवली
ज्या उमेदवारांना निर्धारित तारखेला फॉर्म भरता आला नाही, त्यांना सरकारने आणखी एक संधी दिली आहे. नोंदणीची अंतिम मुदत आता 15 नोव्हेंबर पर्यंत वाढवण्यात आली आहे.
eduvarta@gmail.com 
एज्युवार्ता न्यूज नेटवर्क
देशातील तरुणांना अधिकाधिक नोकरीची संधी उपलब्ध करून देण्यासाठी केंद्र सरकारने पीएम इंटर्नशिप योजना (PM Internship Scheme) सुरू केली आहे. यामध्ये सहभागी होण्यासाठी नोंदणीची अंतिम मुदत संपुष्टात आली आहे. मात्र, ज्या उमेदवारांना निर्धारित तारखेला फॉर्म भरता आला नाही, त्यांना सरकारने आणखी एक संधी दिली आहे. नोंदणीची अंतिम मुदत (Extension of time for registration) आता 15 नोव्हेंबर पर्यंत वाढवण्यात आली आहे.
पंतप्रधान इंटर्नशिप योजना 2024 साठी अर्ज करण्यासाठी, उमेदवारांकडे आधार कार्ड असणे अनिवार्य आहे. आधार कार्डासोबतच उमेदवारांना शैक्षणिक कागदपत्रे आणि पासपोर्ट आकाराचे छायाचित्र आवश्यक असेल. या योजनेत सहभागी होण्यासाठी, उमेदवार पूर्णवेळ नोकरी किंवा शिक्षणात गुंतलेला नसावा. उमेदवाराचे वय 21 ते 24 वर्षांच्या दरम्यान असावे आणि ऑनलाइन शिक्षण घेणारे विद्यार्थी इंटर्नशिप प्रोग्रामसाठी पात्र असतील.
नोंदणी कशी करावी
पीएम इंटर्नशिप स्कीम ऑनलाइन फॉर्म भरण्यासाठी, सर्वप्रथम तुम्हाला अधिकृत वेबसाइट वर जावे लागेल. येथे तुम्हाला प्रथम रजिस्टर लिंकवर क्लिक करून आणि आवश्यक तपशील भरून नोंदणी करावी लागेल. नोंदणी केल्यानंतर, उमेदवाराला फॉर्ममध्ये विचारलेले इतर तपशील अपलोड करावे लागतील. शेवटी पूर्णपणे भरलेला फॉर्म सबमिट करा, अशा प्रकारे या योजनेसाठी तुमची नोंदणी पूर्ण होईल.
