CET CELLकडून कंत्राटी अधिकारी, कर्मचाऱ्यांची भरती प्रक्रिया सुरू 

एज्युवार्ता न्यूज नेटवर्क 

CET- CEL: राज्य सामायिक प्रवेश परीक्षा कक्षाअंतर्गत महाराष्ट्रातील सर्व जिल्ह्यांमध्ये स्थापन केल्या जाणाऱ्या विद्यार्थी सहाय्यता केंद्रामध्ये कंत्राटी भरती केली जाणार आहे.सीईटी सेलचे कामकाज सुरळीत पार पाडण्यासाठी सेवानिवृत्त शासकीय अधिकारी,कर्मचारी यांच्याकडून कंत्राटी तत्वावर अर्ज मागविण्यात आले आहेत. राज्य सामायिक प्रवेश परीक्षा कक्ष विस्तार केंद्रासाठी जिल्हा निहाय ही पदे भरली जाणार आहेत. इच्छुक उमेदवारांना येत्या 10 जानेवारीपर्यंत ऑनलाईन अर्ज सादर करता येणार आहेत. 

राज्य सामायिक प्रवेश परीक्षा कक्षा तर्फे 40 जागांसाठी अर्ज मागविण्यात आले आहेत. ही भरती केवळ तात्पुरती स्वरूपाची असणार आहे. एक वर्ष कालावधीसाठी कंत्राटी तत्वावर कर्मचाऱ्यांची नियुक्ती केली जाणार असून काम व समाधानकारक आढळल्यास सीईटी सेलचे आयुक्त यांच्या अनुमतीने एक महिन्याची नोटीस देऊन संबंधित कर्मचाऱ्यांची सेवा समाप्त केले जाऊ शकते. उमेदवार 10 जानेवारीपर्यंत est.cetcell@gmail.com या ईमेल आयडीवर विहित नमुन्यातील अर्ज सादर करू शकतात.

अर्ज करण्यासाठी अटी व पात्रताः

(१) कोणत्याही शाखेतील पदवीधर किंवा पदव्युत्तर पदवीधर असणे आवश्यक. संगणक व माहिती तंत्रज्ञानाचे पुरेसे ज्ञान असणे गरजेचे. पदव्युत्तर पदवीधारकांना प्राधान्य.
(२) विविध व्यावसायिक (अभियान्त्रिक, उच्च, आयुष, वैदकीय, कला व कृषी) अभ्यासक्रमांच्या प्रवेश परीक्षा प्रक्रिया (CET) आणि केंद्रीभूत प्रवेश प्रक्रिया (CAP) यांचे ज्ञान व अनुभव असलेल्यांना प्राधान्य,
(३) एम.एस. ऑफिस, स्कॅनिंग, प्रिंटिंग आणि मूलभूत डिजिटल / पोर्टल ऑपरेशन्स, तसेच CET पोर्टलची माहिती असणे आवश्यक.
(४) राज्य सामाईक प्रवेश परीक्षा कक्षाने निर्धारित केल्याप्रमाणे संबंधित अनुभव असलेल्या सेवानिवृत्त अधिकाऱ्यांना प्राधान्य.
(५) शासन सेवेतून गट-अ/गट-ब राजपत्रित पदावरून निवृत्त अधिकाऱ्यांना प्राधान्य. निवृत्तीच्या वेळी अथवा सध्या त्यांच्या विरुद्ध कोणतीही विभागीय चौकशी/न्यायालयीन कार्यवाही प्रलंबित नसावी.
(६) जाहिरातीच्या दिनांकास अर्जदाराचे वय ६५ वर्षांपेक्षा अधिक नसावे.
(७) उत्कृष्ट संवाद, समन्वय आणि समुपदेशन कौशल्य आवश्यक.
(८) मराठी, हिंदी व इंग्रजी भाषांवर प्रभुत्व असणे आवश्यक.
(९) संबंधित जिल्ह्यात राहणाऱ्या उमेदवारांना प्राधान्य. राहण्याची व जेवणाची कोणतीही सुविधा उपलब्ध करून दिली जाणार नाही.
(१०) नियुक्ती पूर्णतः कंत्राटी स्वरूपाची असून कालावधी एक वर्षाचा राहील; तीन महिन्यांचा (संभान्गकालानभी) (Probation) राहील. किमान सहा महिने सेवा आवश्यक असून सेवा करार वाढविणे, तसेच सेवा समाप्त करण्याचा अधिकार सक्षम अधिकाऱ्यांचा राहील.
(११) अपवादात्मक परिस्थिती व सक्षम अधिकारी यांच्या मान्यतेशिवाय राजीनामा स्वीकारला जाणार नाही. वेतन व सेवा अटी राज्य सामाईक प्रवेश परीक्षा कक्ष ठरवेल.
___________
मुख्य जबाबदाऱ्याः 

(१) विद्यार्थ्यांना CET अभ्यासक्रम, पात्रता निकष, अर्ज प्रक्रिया, परीक्षा पद्धत व वेळापत्रक याबाबत सविस्तर माहिती उपलब्ध करून देणे; CAP प्रक्रियेतील अर्ज भरणे, दस्तऐवज अपलोड करणे, शुल्क भरणा, पर्याय नोंदणी व अलॉटमेंटपर्यंत सर्व टप्प्यांत तांत्रिक सहाय्य करणे; फ्रंट डेस्कवर पोर्टल, लॉगिन, पेमेंट, दस्तऐवज अद्ययावत इत्यादी तांत्रिक समस्यांवर मार्गदर्शन करणे; विविध शिष्यवृत्तीबाबत माहिती देणे, तसेच विद्यार्थ्यांच्या आवड, क्षमता व संधी विचारात घेऊन अभ्यासक्रम-संस्था निवड, करिअर समुपदेशन, Predictive Counseling, Alternative Program Guidance आणि Course Mapping प्रदान करणे.
(२) केंद्रातील प्रशासकीय कामकाजाचे प्रभावी पर्यवेक्षण करणे आणि तांत्रिक मदतनीस, समुपदेशक व इतर कर्मचारी यांच्या कार्यावर देखरेख ठेवणे.
(३) जिल्ह्यातील शैक्षणिक संस्था, परीक्षा केंद्रे आणि राज्य सामाईक प्रवेश परीक्षा कक्ष यांच्यात आवश्यक समन्वय राखणे.
(४) विद्यार्थ्यांच्या शंका व तक्रारींची नोंद ठेवून त्यांचे निवारण करणे तसेच प्रलंबित तक्रारींसाठी संबंधित कार्यालयांशी समन्वय करणे.
(५) सीईटी कक्षाच्या निर्देश्प्रमाणे निश्चित कालावधीनुसार मासिक व आवश्यक ते इतर अहवाल तयार करून सादर करणे.