RCC कोचिंगचे संस्थापक प्रा. शिवराज मोटेगावकर, NEET पेपर फुटी प्रकरणात CBI च्या ताब्यात

एज्युवार्ता न्यूज नेटवर्क 

नीट-युजी  २०२६ (NEET-UG 2026)  परीक्षेतील कथित पेपर फुटी प्रकरणातील (Paper Leak Scandal) आता सर्वात मोठी बातमी समोर आली आहे. महाराष्ट्रातील प्रसिद्ध रेनुकाई केमिस्ट्री क्लासेस (RCC) चे संस्थापक आणि संचालक प्रा. शिवराज मोटेगावकर (Prof. Shivraj Motegaonkar) यांची केंद्रीय अन्वेषण ब्यूरोने (CBI) रात्रभर चौकशी केल्यानंतर आता त्यांना (CBI Arres) ताब्यात घेतले आहे. या प्रकरणात सीबीआयने लातूरमध्ये मोठी छापेमोहीम सुरू केली असून, संस्थेच्या मुख्य कार्यालयावरही शोधकार्य चालू आहे. 

सीबीआयच्या २८ अधिकारी सदस्यीय पथकाने गुरुवारी रात्री मोटेगावकर यांच्या शिवनगरातील ओंकार रेसिडेन्सी येथील निवासस्थानी भेट दिली. शुक्रवारी सकाळी पुन्हा चौकशी सुरू झाली. या दरम्यान त्यांचे मोबाईल, लॅपटॉप आणि इतर इलेक्ट्रॉनिक उपकरणे तपासली गेली. RCC संस्थेच्या मुख्य कार्यालयावरही शनिवारी छापा टाकण्यात आला. दस्तऐवज आणि पुरावे जप्त करण्यात आहे. आता पुण्यातील सीबीआय कार्यालयात मोटगावकर यांची कसून चौकशी केली जात आहे. नीट पेपरफुटी प्रकरणात आतापर्यंत ९ जणांना अटक करण्यात आली आहे. 

प्रा. शिवराज मोटेगावकर हे महाराष्ट्रातील नीट तयारीसाठी प्रसिद्ध आहेत. आरसीसीच्या महाराष्ट्रभर शाखा आहेत. त्यांच्या यशस्वी विद्यार्थ्यांमुळे संस्थेला मोठी प्रतिष्ठा आहे. मात्र, या प्रकरणाने कोचिंग क्षेत्रातील स्पर्धा आणि नैतिकतेचा मुद्दा पुन्हा चर्चेत आला आहे. मोटेगावकर याचा पेपरफुटी प्रकरणात संबंध असल्याचे समोर येत आहे. त्याच पार्श्वभूमीवर आज मोटेगावकर यांनी सीबीआयने ताब्यात घेतल्याचे समोर आले आहे.

लातूरमधील पेपरफुटी प्रकरणाच्या धागेदोरे हातीनंतर सीबीआयने या प्रकरणाचा तपास वेगाने सुरू केला असून, आता मोटेगावकर यांना ताब्यात घेण्यात आलं आहे. मोटेगावर यांच्या RCC क्लासमधे शिकणाऱ्या एका विद्यार्थीनीची आणि तीच्या वडीलांची देखील CBI कडून चौकशी केली जाते आहे. मोटेगावकर यांच्याकडून NEET चे प्रश्न आणि त्या प्रश्नांची उत्तरे ज्यांना मिळाल्याचा संशय आहे ते विद्यार्थी आणि पालक देखील सीबीआयच्या रडारवर आहेत.