Allen कोचिंगच्या 2 विद्यार्थिनींमध्ये जोरदार मारामारी, व्हिडिओ व्हायरल

एज्युवार्ता न्यूज नेटवर्क 

बिहारमधील एलन कॅरियर इन्स्टिट्यूटच्या (Allen Career Institute) पाटणा शाखेत दोन मुलींमध्ये झालेल्या जबरदस्त फिजिकल फाइटचा (Brawl between two girls) व्हिडिओ सोशल मीडियावर मोठ्या प्रमाणात व्हायरल (Social Media Viral) झाला आहे. व्हायरल व्हिडिओत दिसते की, दोन तरुण विद्यार्थिनी एकमेकींवर चिडून मारामारी करत आहेत. हातांची धक्काबुक्की, हाणामारी आणि ओरडाओरडी असा प्रकार सुरू असताना इतर विद्यार्थी हे दृश्य पाहत असल्याचे दिसून येत आहेत. हा व्हिडिओ क्लासरूम मधील एका विद्यार्थ्यांने रेकॉर्ड करून व्हायरल केल्याचे दिसून येत आहे. व्हिडिओ काही सेकंदांचा असून, त्यात दोन्ही मुलींचा राग आणि आक्रमकता स्पष्ट दिसते. सध्या हा व्हिडिओ इन्स्टाग्राम, ट्विटर यांसारख्या सोशल मिडीया तुफान व्हायरल होत आहे. 

या घटनेनंतर संबंधित एलन शाखेच्या प्रशासनाकडून याबाबत कोणतेही अधिकृत वक्तव्य आलेले नाही. सोशल मीडियावरील चर्चेनुसार, छोटासा वाद, सीटिंग अरेंजमेंट, ग्रुप रायव्हलरी किंवा वैयक्तिक मतभेद यामुळे हा प्रकार घडला असावा. मात्र, याची पुष्टी झालेली नाही. अशा स्पर्धात्मक वातावरणात जेईई-नीट सारख्या परीक्षांच्या तयारीमुळे विद्यार्थ्यांमध्ये तणाव वाढतो, यामुळे अशा घटना घडत असल्याचे सांगण्यात येते. 

एलन कोचिंगमध्ये अशा घटना काही नवीन नाहीत. यापूर्वी मुलांमधील मारामारी, सीटसाठी भांडणे आणि रस्त्यावरील हाणामारीचे अनेक व्हिडिओ व्हायरल झाले आहेत. पण मुलींमधील ही घटना विशेष चर्चेचा विषय बनली आहे. काहींनी याला “कोचिंग कल्चर” चा दुष्परिणाम म्हटले आहे, तर काहींनी विद्यार्थ्यांना मानसिक आरोग्य सहाय्य देण्याची गरज व्यक्त केली आहे.

“परीक्षेच्या दबावामुळे विद्यार्थी इतके आक्रमक होत आहेत, याकडे संस्थांनी गांभीर्याने लक्ष द्यावे,” असे एका यूजरने लिहिले. दुसऱ्या बाजूला, “अशा व्हिडिओमुळे संस्थेची इमेज खराब होते,” अशीही मतं आहेत. एलन प्रशासनाने यापूर्वी अशा घटनांवर कारवाई केली आहे. या प्रकरणातही संस्था काय पाऊले उचलते, याकडे सर्वांचे लक्ष आहे.