प्रोग्रेसिव्ह एज्युकेशन सोसायटीच्या आणखी एका महाविद्यालयाला स्वायत्ततेचा दर्जा

एज्युवार्ता न्यूज नेटवर्क 

प्रोग्रेसिव्ह एज्युकेशन सोसायटीच्या (Progressive Education Society)आणखी एका महाविद्यालयाला स्वायत्ततेचा दर्जा प्राप्त होणार आहे. निगडी येथील मॉडर्न कॉलेज ऑफ फार्मसी (Modern College of Pharmacy)या महाविद्यालयाला विद्यापीठ अनुदान आयोगाकडून (University Grants Commissions)दहा वर्षासाठी स्वायत्तेतेचा दर्जा देण्यात आला आहे. लवकरच सावित्रीबाई फुले पुणे विद्यापीठाच्या (Savitribai Phule Pune University)व्यवस्थापन परिषदेसमोर महाविद्यालयाला स्वायत्ततेचा दर्जा (The status of autonomy to the college)देण्याचा प्रस्ताव सादर केला जाणार आहे.

पुणे शहरातील नामांकित शैक्षणिक संस्थांमधील एक म्हणून ओळखल्या जाणाऱ्या प्रोग्रेसिव्ह एज्युकेशन सोसायटीच्या सुमारे सहा महाविद्यालयांना स्वायत्तता प्राप्त झाली आहे. त्यात आता आणखी एका महाविद्यालयाची भर पडणार आहे. निगडी येथील मॉडर्न कॉलेज ऑफ फार्मसी या महाविद्यालयाला २०२४-२५ ते २०३३-३४ या कालावधीपर्यंत स्वायत्तता देण्याची शिफारस करण्यात आली आहे. यूजीसीकडून स्वायत्तता मिळाल्यानंतर विद्यापीठाच्या विद्या परिषदेच्या बैठकीत याबाबतचा प्रस्ताव सादर करण्यात आला होता. विद्या परिषदेने त्यास मान्यता दिली असून आता व्यवस्थापन परिषदेसमोर हा प्रस्ताव मानण्यातेसाठी सादर केला जाणार आहे.

सेंट मिराज् कॉलेज फॉर गर्ल्स या महाविद्यालयाला विद्यापीठ अनुदान आयोगाने आणखी दहा वर्ष स्वायत्ततेचा दर्जा देण्यास मुदतवाढ दिली आहे. तसेच पुणे विद्यार्थी गृह कॉलेज ऑफ इंजीनियरिंग अँड टेक्नॉलॉजी अँड जीके पाटे(वाणी) इन्स्टिट्यूट ऑफ मॅनेजमेंट, पर्वती, या महाविद्यालयाला सुद्धा दहा वर्षांसाठी स्वायत्तता दिली आहे. या दोन्ही महाविद्यालयांचे प्रस्ताव विद्या परिषदेसमोर मान्यतेसाठी सादर करण्यात आले होते.

ज्येष्ठ शिक्षणतज्ज्ञ व प्रोग्रेसिव्ह एज्युकेशन सोसायटीचे कार्याध्यक्ष डॉ.गजानन एकबोटे म्हणाले, विद्यापीठ अनुदान आयोगाने व सावित्रीबाई फुले पुणे विद्यापीठाच्या विद्या परिषदेने स्वायत्त महाविद्यालयान म्हणून मान्यता दिली आहे. आता विद्यापीठाच्या व्यवस्थापन परिषदेसमोर स्वयत्तेचा प्रस्ताव मान्यतेसाठी सादर होणार आहे. संस्थेच्या सहा महाविद्यालयांना स्वायत्तता मिळाली असून उर्वरित महाविद्यालयांना स्वायत्तता मिळविण्यासंदर्भात प्रयत्न सुरू आहेत.शासनाने क्लस्टर युनिव्हर्सिटीच्या नियमावलीत काही शिथिलता आणल्यानंतर आम्ही पुढील काळात क्लस्टर युनिव्हर्सिटीसाठी प्रयत्न करणार आहोत.