चौथीच्या विद्यार्थ्याचे गणित चुकले; शिक्षकाकडून अमानुष मारहाण 

एज्युवार्ता न्यूज नेटवर्क

विद्यार्थ्यांचे भविष्य घडवण्याची जबाबदारी ही शिक्षकाची असते. मात्र, चिमुकल्यांच्या भावनांचा विचार करून आणि त्यांच्या बौद्धिक क्षमतेनुसार त्यांना ज्ञानाचे धडे देणे महत्त्वाचे असते. मागील काही दिवसांत शिक्षण क्षेत्रातून अनेक घटना समोर येत आहेत. त्यातच आता शिक्षकाने क्रुरतेची सीमा ओलांडल्याची धक्कादायक घटना (Shocking incident) बुलढाण्यातील पिंपळगाव राजा येथे उघडकीस आली आहे. येथील जिल्हा परिषद शाळेत (Zilla Parishad School Pimpalgaon Raja) शिकणाऱ्या एका चिमुकल्याला गणित सोडवता न आल्याने शिक्षकाने त्याला अमानुष मारहाण (Brutal beating) केल्याचे समोर आले आहे. यामध्ये विद्यार्थी गंभीर जखमी (The student was seriously injured) असून त्याच्यावर रुग्णालयात उपचार सुरू आहेत. 

हेही वाचा - एमपीएससी-यूपीएससी विद्यार्थ्यांना मोठा दिलासा! प्रशिक्षण संस्थेत १४०० जागांची वाढ

मिळालेल्या प्राथमिक माहितीनुसार, खामगाव तालुक्यातील पिंपळगाव राजा येथील जिल्हा परिषद प्राथमिक शाळेत चौथीत शिकणाऱ्या एका विद्यार्थ्याला गणित चुकलं म्हणून वर्ग शिक्षकाने अमानुष मारहाण केली आहे. विद्यार्थ्याचे वय अवघे ९ वर्षे आहे. ही मारहाण इतकी अमानुष होती की, विद्यार्थ्यांवर सध्या खामगाव येथील सामान्य रुग्णालयात उपचार सुरू आहेत.

१३ डिसेंबर रोजी राज्य शासनाने राज्यातील सर्व शाळांमधील विद्यार्थी सुरक्षेच्या दृष्टीने केंद्र शासनाने निर्गमित केलेल्या मार्गदर्शक सूचनांचे पालन करण्यासाठी जबाबदारी निश्चित केली आहे. मात्र याचाही परिणाम शाळेतील शिक्षकांवर होताना दिसत नाही. बुलढाणा जिल्ह्यातील खामगाव तालुक्यातील पिंपळगाव राजा येथील जिल्हा परिषद प्राथमिक शाळेत चौथीत शिकणाऱ्या एका विद्यार्थ्याला गणित चुकलं म्हणून वर्ग शिक्षकाने अमानुष मारहाण केली आहे. ही मारहाण इतकी अमानुष आहे की, विद्यार्थ्यांवर सध्या खामगाव येथील सामान्य रुग्णालयात उपचार सुरू आहेत.

पिंपळगाव राजा पोलिसांना ही माहिती मिळाल्यानंतर तात्काळ पिंपळगाव राजा पोलिसांनी सदर विद्यार्थ्याला खामगाव येथील सामान्य रुग्णालयात वैद्यकीय तपासणीसाठी पाठवलं आहे. त्यावर उपचार सुरू असून वैद्यकीय अहवाल आल्यानंतर शिक्षकावर गुन्हा दाखल करण्यात येणार आहे. मात्र अवघ्या नऊ वर्षाच्या विद्यार्थ्याला अमानुषपणे मारहाण करणाऱ्या शिक्षकावर अद्यापही पोलीस अथवा शिक्षण विभागाने कारवाई केलेली नाही. या प्रकारामुळे मात्र मोठ्या प्रमाणात पालकांमध्ये संताप दिसत आहे. आता पोलिस आणि शिक्षण विभाग या शिक्षकांवर काय कारवाई करतो हे बघणं महत्त्वाचं असेल.