NEET सुपर स्पेशलीस्टसाठी अर्ज प्रक्रिया सुरू

NEET-सुपर स्पेशालिटी परीक्षा २०२४ साठी अर्ज करण्याची शेवटची तारीख २४ फेब्रुवारी २०२५ रात्री ११:५५ वाजेपर्यंत निश्चित करण्यात आली आहे. जर कोणत्याही उमेदवाराला त्यांच्या फॉर्ममध्ये दुरुस्त्या करायच्या असतील तर दुरुस्ती विंडो २७ फेब्रुवारी ते २ मार्च २०२५ पर्यंत उपलब्ध असेल.

NEET सुपर स्पेशलीस्टसाठी अर्ज प्रक्रिया सुरू

एज्युवार्ता न्यूज नेटवर्क 

नॅशनल बोर्ड ऑफ एक्झामिनेशन इन मेडिकल सायन्सेस (National Board of Examination in Medical Sciences) NBEMS ने राष्ट्रीय पात्रता सह प्रवेश परीक्षा-सुपर स्पेशालिटी (National Eligibility cum Entrance Exam-Super Specialty) NEET SS 2024 साठी अर्ज प्रक्रिया सुरू केली आहे. (The application process has started) इच्छुक उमेदवार NBEMS च्या अधिकृत वेबसाइटवर natboard.edu.in (NEET SS) साठी अर्ज करू शकतात. 

NEET-सुपर स्पेशालिटी परीक्षा २०२४ साठी अर्ज करण्याची शेवटची तारीख २४ फेब्रुवारी २०२५ रात्री ११:५५ वाजेपर्यंत निश्चित करण्यात आली आहे. जर कोणत्याही उमेदवाराला त्यांच्या फॉर्ममध्ये दुरुस्त्या करायच्या असतील तर दुरुस्ती विंडो २७ फेब्रुवारी ते २ मार्च २०२५ पर्यंत उपलब्ध असेल.

या परीक्षेचे हॉलतिकीट २५ मार्च २०२५ रोजी प्रसिद्ध केले जाईल. ही परीक्षा २९ आणि ३० मार्च २०२५ रोजी घेतली जाईल. ही परीक्षा गट-आधारित स्वरूपात असेल. परीक्षेत प्रत्येक गटासाठी एक प्रश्नपत्रिका असेल, ज्यामध्ये एकूण १५० प्रश्न असतील. उमेदवारांना परीक्षेसाठी अडीच तासांची वेळ देण्यात आली आहे. परीक्षा दोन शिफ्टमध्ये घेतली जाईल. उमेदवारांना प्रत्येक गटासाठी ३ हजार ५०० रुपये अर्ज शुल्क भरावे लागेल. हे पेमेंट क्रेडिट कार्ड किंवा डेबिट कार्डद्वारे करता येते.

अर्ज करण्यासाठी प्रथम NBEMS च्या natboard.edu.in या अधिकृत वेबसाइटला भेट द्या. होमपेजवरील NEET SS 2024 अर्ज लिंकवर क्लिक करा. नवीन उघडलेल्या पानावर नोंदणी प्रक्रिया पूर्ण करा. नोंदणी पूर्ण झाल्यानंतर अर्ज भरा. अर्ज शुल्क ऑनलाइन भरा. फॉर्म सबमिट करा आणि डाउनलोड करा.