आदिवासी विभागामार्फत विविध पदांसाठी राबवलेल्या भरती परीक्षेचा निकाल जाहीर 

एज्युवार्ता न्यूज नेटवर्क

महाराष्ट्र राज्य आदिवासी विकास विभागामार्फत (Maharashtra State Tribal Development Department) विविध पदांसाठी घेण्यात आलेल्या भरती परीक्षेचा निकाल प्रसिद्ध करण्यात आला आहे . या भरती प्रक्रियेसाठी आदिवासी विभागाने (Department of Tribal Development Recruitment) ५ ऑक्टोबर २०२४ रोजी जाहिरात प्रसिद्ध केली होती. त्यानंतर निवडणुकांच्या आदर्श आचार संहितेमुळे या परीक्षा काही प्रमाणात लांबलीवर पडल्या होत्या. मात्र, त्यानंतर एप्रिल २०२५ मध्ये घेण्यात आलेल्या परीक्षेचा निकाल आता प्रसिद्ध (Exam results announced) करण्यात आला आहे.

आदिवासी विकास विभागातील १७ पदनामांच्या एकुण ६११ रिक्त पदभरतीसाठी सरळसेवा जाहिरात प्रसिध्द करण्यात आली. गृहपाल पदाकरीता लेखी IBPS मार्फत पार पडलेली आहे. सद्यस्थितीत अपर आयुक्त, आदिवासी विकास, नाशिक/ ठाणे/नागपूर / अमरावती विभागनिहाय गृहपाल (स्त्री) या पदांकरीता किमान ४५% गुण प्राप्त करणारे परिक्षार्थी यांची गुणवत्ता यादी https://tribal.maharashtra.gov.in या संकेतस्थळावर प्रसिध्द करण्याच आली आहे. 

आदिवासी विभागाकडून ९ एप्रिल ते २५ एप्रिल २०२५ या कालावधीत वेगवेगळ्या तारखेला वेगवेगळ्या पदांसाठी ही परीक्षा घेतली. या भरती मोहिमेत सहभागी झालेल्या उमेदवारांनी विभागाचे अधिकृत संकेतस्थळ tribal.maharashtra.gov.in ला भेट देऊन आपला निकाल पाहाण्याचे आवाहन करण्यात आले आहे. 

या भरती मोहिमेअंतर्गत विभाग वरिष्ठ आदिवासी विकास निरीक्षक, आदिवासी विकास निरीक्षक, मुख्य लिपिक, संशोधक सहाय्यक, कनिष्ठ शिक्षण विस्तार अधिकारी, वरिष्ठ लिपिक व वार्डन आणि सुपरिंटेंडंट  इत्यादी पदांसाठीच्या ६११ रिक्त जागांसाठी ही परीक्षा घेतली गेली होती. या परीक्षेची सुरुवात ९ एप्रिल रोजी वॉर्डन आणि अधीक्षक पदाच्या  परीक्षेपासून झाली, तर कनिष्ठ शिक्षण विस्तार अधिकारी पदाच्या २५ एप्रिल रोजी परीक्षा संपन्न होतील. त्यानंतर आता या परीक्षेचा निकाल प्रसिद्ध करण्यात आला आहे. संकेतस्थळावर विभागानुसार जिल्ह्यांची यादी प्रसिद्ध करण्यात आली आहे.