उशीर झाल्यामुळे  CUTE परीक्षा नाकारलेल्या विद्यार्थिनीने  न्यायालयात घेतली धाव; पण घडले भलतेच 

विद्यापीठ प्रवेश परीक्षेत (University entrance exam) CUET सहा मिनिटे उशिरा हजर झालेल्या एका विद्यार्थिनीला परीक्षा देण्यापासून अडवण्यात आले होते. (A student who arrived late was prevented from giving  exam.) तिने न्यायाची मागणी करत न्यायालयात याचिका दाखल केली. पण न्यायालयाने मात्र तिची चांगली कानउघडणी करत तिची याचिका फेटाळली. (the court, rejected her petition.)

दिल्ली उच्च न्यायालयाने 'कॉमन युनिव्हर्सिटी एन्ट्रन्स टेस्ट' (CUET) मध्ये सहा मिनिटे उशिरा हजर झालेल्या विद्यार्थिनीला दिलासा देण्यास नकार दिला.  १८ वर्षीय विद्यार्थिनीने दावा केला की १३ मे रोजी ती सकाळी ८.३६ वाजता परीक्षा केंद्रावर पोहोचली, म्हणजेच परीक्षेच्या नियोजित वेळेपेक्षा सहा मिनिटे उशिरा, परंतु तिला प्रवेश दिला गेला नाही. सकाळी ८.३० च्या सुमारास परीक्षा केंद्रावर  प्रवेशिका बंद झाल्या होत्या. 

न्यायाधीश प्रतिभा एम. सिंह आणि न्यायमूर्ती रजनीश कुमार गुप्ता यांच्या खंडपीठाने या प्रकरणात हस्तक्षेप करण्यास नकार देणाऱ्या एका न्यायाधीशाच्या आदेशाविरुद्ध विद्यार्थिनीच्या याचिकेवर सुनावणी केली. राष्ट्रीय परीक्षा प्राधिकरणाच्या माहिती बुलेटिन आणि प्रवेशपत्रात परीक्षा सुरू होण्याच्या दोन तास आधी सकाळी ७ वाजता केंद्रावर पोहोचण्याबाबत स्पष्ट सूचना देण्यात आल्या आहेत आणि प्रवेशिका सकाळी ८.३० च्या सुमारास बंद केल्या जातील असेही नमूद करण्यात आले आहे. एवढी मोठी परीक्षा आयोजित करण्यात निष्काळजीपणा केल्यास गोंधळ निर्माण होईल आणि 'परीक्षा शिस्त पाळली पाहिजे' असे खंडपीठाने म्हटले आहे.

न्यायालयाने म्हटले आहे की, "CUET ही एक महत्त्वाची प्रवेश परीक्षा आहे आणि परीक्षा हॉलमध्ये वेळेवर पोहोचणे, वेळेवर जागेवर पोहोचणे आणि गेट बंद होण्याच्या वेळेपूर्वी केंद्रावर असणे, हे सर्व परीक्षा प्रणालीच्या शिस्त आणि नीतिमत्तेचा भाग आहे, जे शिथिल केले जाऊ नये. कारण यामुळे समान दर्जाच्या विद्यार्थ्यांमध्ये मोठी असमानता निर्माण होऊ शकते."

खंडपीठाने विद्यार्थ्याचे अपील फेटाळले आणि म्हटले आहे की, "एखाद्याला असे वाटू शकते की ही फक्त सहा मिनिटांची बाब आहे, परंतु गेट बंद होण्याच्या वेळेचा नियम काटेकोरपणे लागू करण्यासाठी अधिकाऱ्यांना दोषी ठरवता येणार नाही."

न्यायालयाने म्हटले आहे की, "CUET UG परीक्षा ही अशी परीक्षा आहे ज्यामध्ये देशभरातून १३.५४ लाखांहून अधिक विद्यार्थी बसतात. जर अपवाद केले गेले आणि अशा परीक्षांमध्ये शिस्त पाळली गेली नाही, तर परीक्षेचे वेळेवर आयोजन, निकाल वेळेवर जाहीर करणे आणि महाविद्यालये आणि विद्यापीठांमध्ये वेळेवर प्रवेश या सर्व गोष्टी धोक्यात येऊ शकतात आणि त्याचे व्यापक परिणाम होतील. अशा प्रकरणांमध्ये, न्यायालयाचा हस्तक्षेप कमीत कमी असावा."