UGC NET २०२३ : परीक्षेचा निकाल जाहीर 

नॅशनल टेस्टिंग एजन्सीतर्फे  (NTA)  सहाय्यक प्राध्यापक पदाच्या पात्रतेसाठी घेण्यात आलेल्या  विद्यापीठ अनुदान आयोग - राष्ट्रीय पात्रता चाचणी (UGC NET) २०२३ चा निकाल जाहीर केला आहे. उमेदवार  ugcnet.nta.nic.in या वेबसाईटवर  आपला निकाल पाहू शकतात.
         UGC-NET २०२३ परीक्षेची पहिली फेरी  १३ ते १७ जून दरम्यान आयोजित करण्यात आली होती. तर दुसरी फेरी  १९  ते २२ जून दरम्यान घेण्यात आली होती. UGC- NET स्कोअरच्या आधारावर  उमेदवार सहाय्यक प्राध्यापक पदासाठी  किंवा  महाविद्यालये आणि विद्यापीठांमध्ये कनिष्ठ संशोधन फेलोशिप (JRF) साठी अर्ज करू शकतात.  एनटीएने ६ जुलै रोजी UGC NET २०२३ तात्पुरती उत्तर सूची प्रसिध्द केली होती. उमेदवारांना ८ जुलैपर्यंत तात्पुरत्या उत्तर सूचीवर आक्षेप नोंदवण्याची मुदत देण्यात आली  होती. विषय तज्ज्ञांकडून आक्षेपांचे पुनरावलोकन केल्यानंतर निकाल जाहीर करण्यात आला आहे.   UGC NET २०२३ च्या मार्किंग योजनेनुसार, उमेदवारांना प्रत्येक बरोबर उत्तरासाठी दोन गुण आणि अनुत्तरीत किंवा प्रयत्न न केलेल्या प्रश्नांसाठी शून्य गुण देण्यात आले.  चुकीच्या उत्तरासाठी निगेटिव्ह मार्किंग केलेले नाही.  

-----------------
UGC NET चा निकाल २०२३ कसा तपासायचा

* ugcnet.nta.nic.in या अधिकृत वेबसाइटला भेट द्या. 
*  स्कोअरकार्डसाठी लिंकवर क्लिक करा. 
* तुमचा अर्ज क्रमांक, जन्मतारीख आणि सुरक्षा पिन एंटर करून सबमिट करा. 
* UGC NET जून 2023 चा निकाल स्क्रीनवर प्रदर्शित होईल. 
* स्कोअरकार्ड डाउनलोड करा आणि प्रिंट काढा.