सावित्रीबाई फुले पुणे विद्यापीठात राष्ट्रीय परिषद संपन्न

एज्युवार्ता न्यूज नेटवर्क

सावित्रीबाई फुले पुणे विद्यापीठातील (Savitribai Phule Pune University) संरक्षण आणि सामरिकशास्त्र विभाग, स्ट्रॅटेजिक कल्चर आणि सेक्युरिटी फाउंडेशन यांच्या संयुक्तपणे "सरदार वल्लभभाई पटेल (Sardar Vallabhbhai Patel) यांचे राष्ट्रीय सुरक्षा आणि राष्ट्रवाद" (National Security and Nationalism Topics) या विषयावर दोन दिवसीय राष्ट्रीय परिषद संपन्न झाली. या परिषदेत प्रा. डाॅ. विजय खरे (Dr. Vijay Khare) यांनी स्वागतपर भाषण केले. त्यांनी सध्याच्या राष्ट्रीय सुरक्षेबाबत सरदार पटेल यांच्या विचारांची प्रासंगिकता अधोरेखित करून चर्चासत्राची थोडक्यात ओळख करून दिली.

गुजरात येथील एम. एस. युनिव्हर्सिटी बडोदा येथील कला वि‌द्याशाखेचे माजी अधिष्ठाता व राज्यशास्त्र विभागाचे माजी प्रमुख डॉ. प्रा. दिलीप मोहिते यांनी प्रमुख बीजभाषण दिले. त्यांनी राष्ट्र उभारणी आणि संस्थानांच्या एकात्मतेमध्ये पटेल यांच्या महत्त्वपूर्ण भूमिकेवर चिंतन केले. आणि त्यानंतर सत्र प्रथम आणि द्वितीय पार पडले. "संस्थानचे एकीकरण राष्ट्रीय सुरक्षेची -रणनीती आणि प्रभाव आणि त्याचा राष्ट्रीय सुरक्षेवरील परिणाम" या विषयावरील सत्रात सविस्तर चर्चा करण्यात आली आणि या सत्राचे अध्यक्षपद प्रा. मोहनन भास्करन पिल्लई, माजी अधिष्ठाता, स्कूल ऑफ लॉ आणि माजी प्रमुख, पॉलिटिक्स अँड इंटरनॅशनल स्टडीज, पाँडिचेरी विद्यापीठ यांनी भूषवले. प्रा. अरविंद कुमार, जवाहरलाल नेहरू विद्यापीठ (जेएनयू), नवी दिल्ली तसेच डॉ. शेषाद्री चारी यांनी पटेल यांच्या व्यावहारिक दृष्टिकोन, त्यांची दृढ इच्छाशक्ती आणि प्रशासकीय कौशल्याबद्दल उहापोह केला.
 
दुसऱ्या सत्रात "कायद्याची अंमलबजावणी आणि अंतर्गत सुरक्षा" यावर चर्चा करण्यात आली आणि भारताच्या अंतर्गत सुरक्षा संरचना आणि कायदा अंमलबजावणी प्रणालींना आकार देण्यात सरदार वल्लभभाई पटेल यांच्या महत्त्वपूर्ण भूमिकेवर भर देण्यात आला. या सत्राचे अध्यक्षपद प्रा. दिलीप मोहिते यांनी भूषवले आणि प्रा. मोहनन भास्करन पिल्लई, माजी अधिष्ठाता, स्कूल ऑफ लॉ आणि माजी प्रमुख, पॉलिटिक्स अँड इंटरनॅशनल स्टडीज, पाँडिचेरी विद्यापीठ, प्रा. डी. के. वर्मा, संचालक आणि अधिष्ठाता, स्कूल ऑफ सोशल सायन्स, डॉ. बाबासाहेब आंबेडकर युनिव्हर्सिटी ऑफ सोशल सायन्स, महू, मध्य प्रदेश, डॉ. प्रतीप चट्टोपाध्याय, कल्याणी युनिव्हर्सिटी, पश्चिम बंगाल, कर्नल गुलशन मोंगिया, नवी दिल्ली आणि लेफ्टनंट कर्नल सुधीर खांडका, डेहराडून, उत्तराखंड हे वक्ते होते. 

पहलगाम दहशतवादी हल्ल्यात मृत्युमुखी पडलेल्या निष्पाप जि‍वितांना श्रद्धांजली वाहण्यासाठी एक मिनिट मौन पाळण्यात आले. सत्र तिसरे "पटेलचा वारसा आणि आधुनिक सुरक्षा आणि परराष्ट्र धोरणासाठी धडे" यावर होते. या सत्राचे अध्यक्षपद जवाहरलाल नेहरू वि‌द्यापीठ (जेएनयू), नवी दिल्ली येथील प्रा. अरविंद कुमार यांनी भूषवले व संरक्षण आणि सामरिकशास्त्र विभागाचे प्रमुख प्रा. (डॉ.) विजय खरे, कर्नल आशिष जोशी केरळ आणि कर्नल नवीन प्रभू, कोची हे प्रमुख वक्ते होते. 

चौथे सत्र "पटेलांच्या वारसा आणि भविष्यातील परिणाम या विषयावर होते या सत्राचे अध्यक्षपद प्रा. एम. एल. यांनी भूषवले. वक्ते कर्नल राजकुमार चाचरा, डेहराडून, उत्तराखंड आणि कर्नल अभिषेक मिश्रा, लखनऊ, उत्तर प्रदेश हे प्रमुख वक्ते होते. सावित्रीबाई फुले पुणे वि‌द्यापीठाचे (एसपीपीयू) माननीय प्र-कुलगुरू प्रा. पराग काळकर यांच्या उपस्थितीत झालेल्या समारोप सत्रात प्रा. विजय खरे यांनी दोन दिवसांच्या चर्चासत्राचा आढावा घेतला. समारोप सत्रात रवींद्र शिंगणापूरकर, व्यवस्थापन परिषद सदस्य प्रमुख पाहुणे म्हणून उपस्थित होते. समारोप सत्रात चर्चासत्रामध्ये सामाविष्ट केलेल्या अंतर्दृष्टींवर आणि आधुनिक भारताला आकार देण्यामध्ये पटेल यांच्या योगदानाच्या निरंतर प्रासंगिकतेवर चिंतन करण्यात आले.