शिक्षकाकडून १४ वर्षीय विद्यार्थिनीवर लैंगिक अत्याचार; खाजगी फोटो-व्हिडिओ व्हायरल करण्याची धमकी

एज्युवार्ता न्यूज नेटवर्क 

जालना जिल्ह्यातील एका शाळेतील शिक्षकाने (Sexual harassment by teacher) आपल्याच शाळेतील विद्यार्थिनीवर लैंगिक अत्याचार (Sexual assault on a female student)  केल्याची धक्कादायक घटना समोर आली आहे. आरोपी शिक्षकाने १४ वर्षीय मुलीचे (14-year-old minor female student) खाजगी फोटो आणि व्हिडिओ मिळवून त्यांना सोशल मीडियावर व्हायरल करण्याची धमकी (Threat to make private photos and videos go viral) देऊन तिचा दीर्घकाळ मानसिक छळ केला. या प्रकरणाने संपूर्ण परिसरात संतापाची लाट उसळली असून आरोपीवर कठोर कारवाईची मागणी जोर धरत आहे.

आरोपीचे नाव विक्की शिंदे असून तो जालना येथील एका शाळेत शिक्षक म्हणून कार्यरत आहे. पोलिसांच्या प्राथमिक तपासानुसार, शिंदे गेल्या वर्षभरापासून सोशल मीडियाच्या माध्यमातून पीडित विद्यार्थिनीच्या संपर्कात होता. सुरुवातीला साध्या गप्पा-गोष्टींमधून सुरू झालेला हा संपर्क हळूहळू जवळीक वाढवण्यात रूपांतरित झाला. आरोपीने मुलीवर दबाव टाकत तिचे खाजगी फोटो मिळवले. नंतर या फोटोंचा वापर करून तिला शारीरिक संबंधांसाठी भाग पाडण्याचा प्रयत्न केला. नुकताच या आरोपीने पुन्हा एकदा संबंधांसाठी आग्रह धरला आणि मुलीकडून नकार मिळाल्यानंतर खाजगी फोटो-व्हिडिओ व्हायरल करण्याची धमकी दिली.

यामुळे पीडित मुलगी मानसिक तणावाखाली आली. शेवटी तिने हा सर्व प्रकार आपल्या आईला सांगितला. आईने वडिलांना विश्वासात घेतल्यानंतर कुटुंबीयांनी तात्काळ जालना पोलिस ठाण्यात धाव घेत तक्रार दाखल केली. पोलिसांनी तक्रारीनुसार तत्काळ गुन्हा दाखल करून शिक्षक विक्की शिंदे यांना ताब्यात घेतले आहे. आरोपीविरुद्ध भारतीय दंड संहितेच्या कलम ३७६ (बलात्कार), POSCO कायद्यांतर्गत कलम आणि IT कायद्यांतर्गतही गुन्हे दाखल करण्यात आले आहेत.

ही घटना केवळ एक वैयक्तिक गुन्हा नसून समाजातील मूल्यव्यवस्थेच्या अधोगतीचे प्रतिबिंब आहे. शिक्षक हा विद्यार्थ्यांचा मार्गदर्शक असतो, परंतु जेव्हा तोच विश्वासघात करतो तेव्हा संपूर्ण समाज हादरतो. अशा प्रकरणांमध्ये त्वरित न्याय मिळणे आणि पीडितेला संरक्षण मिळणे अत्यंत आवश्यक आहे. तसेच आरोपीला कठोर शिक्षा द्यावी अशी मागणी सामाजिक संघटना आणि पालकांकडून करण्यात येत आहे.