CET CELL: पीसीएम ग्रुपचा सीईटी प्रवेश परीक्षेचा निकाल जाहीर
या परीक्षेत एकूण २६ विद्यार्थ्यांना १०० पर्सेंटाईल गुण मिळाले आहेत. त्यातील २४ विद्यार्थी महाराष्ट्र राज्यातील असून इतर इतर २ विद्यार्थी पर राज्यातील आहेत.
Eduvarta
एज्युवार्ता न्यूज नेटवर्क
महाराष्ट्र राज्य सामायिक प्रवेश परीक्षा कक्षातर्फे पीसीएम ग्रुपच्या पहिल्या संधीचा सीईटी प्रवेश परीक्षेचा निकाल जाहीर करण्यात आला आहे. त्यामुळे विद्यार्थ्यांचा प्रवेशाचा मार्ग मोकळा झाला आहे. विद्यार्थी अनेक दिवसांपासून या निकालाची वाट पाहत होते. अखेर सीईटी सेलतर्फे सोमवारी दि.15 जून रोजी निकाल जाहीर करण्यात आला. विद्यार्थी सीईटी सेलच्या संकेतस्थळावर भेट देऊन निकाल पाहू शकतात. या परीक्षेत एकूण २६ विद्यार्थ्यांना १०० पर्सेंटाईल गुण मिळाले आहेत. त्यातील
२४ विद्यार्थी महाराष्ट्र राज्यातील असून इतर इतर २ विद्यार्थी पर राज्यातील आहेत.
राज्यातील विद्यार्थ्यांना वर्षातून दोन वेळा सीईटी परीक्षेची संधी प्राप्त व्हावी या उद्देशाने उच्च व तंत्र शिक्षण विभागातर्फे या वर्षांपासून दोन सीईटी परीक्षा घेण्यात आल्या. त्यातील बहूप्रतीक्षित पीसीएम ग्रुपच्या पहिल्या संधीचा सीईटी प्रवेश परीक्षेचा निकाल जाहीर करण्यात आला आहे. विद्यार्थी https://cetcell.mahacet.org/ या संकेतस्थळाला भेट देऊन निकाल पाहू शकतात. निकालाची वैशिष्टे सीईटी सेलतर्फे लवकरच जाहीर केली जाणार आहेत.
पीसीएम गटाच्या पहिल्या संधीच्या सीईटी परीक्षेत 100 पर्सेंटाईल मिळविणाऱ्या महाराष्ट्रातील विद्यार्थ्यांमध्ये आर्यन शैलेंद्र कुंजीर (पुणे), आदर्श राज (मुंबई उपनगर), आर्यन अजित शर्मा (नागपूर), चैतन्य गणेश येरणे (चंद्रपूर), आशुतोषकुमार संजय चौबे (मुंबई), दर्शन गणेश चौधरी (चंद्रपूर), दर्शील राजन कुंटे (ठाणे), ईश्वरी सुरेश गागरे (अहिल्यानगर), इबादूर रहमान कामरुल बारलस्कर (पुणे), अनंत अशोक जाधव (धाराशिव), जान्हवी अस्ती (गोंदिया), जान्हवी मिश्रा (चंद्रपूर), कनिष्क देवेंद्र वाघ (नागपूर), सार्थक खानापुरे (सोलापूर), ध्रुव धर्मराज खोसे (लातूर), ऐश्वर्य अतुल लाडे (नागपूर), नमिष कौशिक (पुणे), नमया धीरज अग्रवाल (गोंदिया), राजदीप विठ्ठल ठाकरे (यवतमाळ), रेयान कुमार (मुंबई), ऋतुराज राजेश राजे (गोंदिया), शौर्य फुलबांधे (नागपूर), शौर्य पंकज सिंग (ठाणे) आणि वेद रुपेश तळेले (ठाणे) यांचा समावेश आहे.
100 पर्सेंटाईल मिळविणाऱ्या विद्यार्थ्यांमध्ये 22 विद्यार्थी आणि 4 विद्यार्थिनींचा समावेश असून, त्यापैकी 24 विद्यार्थी महाराष्ट्रातील तर 2 विद्यार्थी इतर राज्यांतील आहेत. विद्यार्थ्यांना त्यांचा निकाल त्यांच्या लॉगिनमधून उपलब्ध करून देण्यात आला असून, संबंधित अभ्यासक्रमांच्या सामाईक प्रवेश प्रक्रियेला (CAP) लवकरच सुरुवात होणार असल्याची माहिती सीईटी कक्षाने दिली.
