कासारवाडीतील श्रावणी टोनगे हिची जर्मनीतील (UWC) महाविद्यालयात निवड

एज्युवार्ता न्यूज नेटवर्क

पिंपरी-चिंचवड महानगरपालिकेच्या (Pimpri-Chinchwad Municipal Corporation) कासारवाडी येथील छत्रपती शाहू महाराज इंग्लिश मीडियम स्कूल (Chhatrapati Shahu Maharaj English Medium School) मधील विद्यार्थिनी श्रावणी टोनगे (Shravani Tonge) हिने उत्तुंग यश संपादन केले आहे. श्रावणीची निवड थेट जर्मनीतील प्रतिष्ठित युनायटेड वर्ल्ड कॉलेज (UWC) – रॉबर्ट बॉश महाविद्यालय येथे झाली असून, तब्बल एक कोटी रुपयांची स्कॉलरशिप तीने मिळवली आहे. त्यामुळे तिच्यावर शिक्षण क्षेत्रातील ज्येष्ठांसह मित्र-मैत्रिणी, नातेगण यांच्याकडून कौतूकाची वर्षाव केला जात आहे.

श्रावणी ही अभिमानास्पद कामगिरी करणारी महाराष्ट्रातील पाहिली विद्यार्थिनी आहे. ही केवळ तिच्या कुटुंबासाठीच नव्हे तर संपूर्ण पिंपरी-चिंचवड शहरासाठी अभिमानाची बाब आहे. त्यामुळे चिंचवडकरांच्या शिरपेचात आणखी एक मानाचा तुरा रोवला गेला आहे. पिंपरी-चिंचवड महानगररपालिका आयुक्त शेखर सिंह यांनी नुकतीच भर पावसात श्रावणीच्या कासारवाडी येथील घरी भेट देत तिचे कौतुक केले व तिला पुढील वाटचालीसाठी मनःपूर्वक शुभेच्छा दिल्या आहेत.

श्रावणीचे हे यश अनेक विद्यार्थ्यांसाठी प्रेरणादायी ठरणार आहे. तिने हे पालकांच व मार्गदर्शक शिक्षकांमुळे मिळाले असल्याचे सांगितले आहे. तर शिक्षक व पालकांनी तिला पुढील वाटचालीसाठी शुभेच्छा दिल्या आहेत.