प्रियदर्शनी संस्थेचा डंका,  इंद्रायनीनगर शाळेती अनेक विद्यार्थ्यांना काही विषयात पैकीच्या पैकी गुण 

एज्युवार्ता न्यूज नेटवर्क 

 केंद्रीय माध्यमिक शिक्षण मंडळाने (Central Board of Secondary Education) नुकताच इयत्ता दहावी बोर्डाच्या परीक्षेचा निकल जाहीर केला आहे. या परीक्षेत पुण्यातील प्रियदर्शनी संस्थेच्या इंद्रायनीनगर शाळेतील (Priyadarshini Indiranagar School) अनेक विद्यार्थ्यांनी काही विषयांमध्ये पैकीच्या पैकी गुण (Scores out of 100 in subjects) मिळवले आहेत. त्यामुळे या विद्यार्थ्यांचे संस्थेसह सर्वच स्तरातून कौतूक केले जात आहे. विद्यार्थ्यांच्या या यशामागे शाळा प्रशासनाचे विशेष मॅनेटमेंट, मुख्याध्यापकांचे लक्ष आणि शिक्षकांची शिकवली या गोष्टी महत्त्वाच्या मानल्या जात आहेत. 

इयत्ता दहावी बोर्डाच्या परीक्षेत सांची घोलप या विद्यार्थिनीला ९८.४० टक्के गुण मिळाले असून तिने शाळेत पहिला क्रमांक पटकावला आहे. तर आशका राॅय आणि प्राजक्ता देशमुख यांनी ९८ टक्के मिळवत दुसरा आणि शर्दुल रंदावळे आणि ध्रुव खैरनार यांनी ९७ टक्के गुण मिळवत तिसरा क्रमांक पटकावला आहे. यामध्ये असेही काही विद्यार्थी आहेत ज्यांना काही विषयांमध्ये पैकीच्या पैकी गुण मिळाले आहेत. 

आशाका राॅय, प्राजक्ता देशमुख यांनी इंग्रजी विषयात १०० पैकी १०० गुण मिळाले आहेत. तर ध्रुव खैरनार याला मराठी विषयात १०० गुण मिळाले आहेत. तसेच आशका राॅय आणि आरोही गगे यांना संस्कृत विषयात १०० गुण मिळाले आहेत. सुधय कोमवार याला गणित विषयात १०० गुण मिळाले आहेत. संची घोलप, शर्दुल रंदावणे, आशका राॅय आणि अंजु गरगटे यांना माहिती तंत्रज्ञान या विषयात १०० पैकी १०० गुण मिळाले आहे. शाळेतील २७ विद्यार्थी असे आहेत ज्यांना ९० पेक्षा जास्त टक्के मिळाले आहेत. त्यामुळे संस्था प्रशासन, मुख्याध्यापक आणि शिक्षकांचे पालकांकडून आभार व्यक्त करण्यात  आले आहे.