अकरावी प्रवेशाच्या राज्यात सव्वा दोन लाख तर, पुण्यात ४३ हजार जागा रिक्त

एज्युवार्ता न्यूज नेटवर्क 

अकरावी प्रवेश प्रक्रियेसाठी (11th Admission Process) यंदा कुणी विद्यार्थी देता का विद्यार्थी? अशी काॅलेजची परिस्थिती झाली आहे. अकरावी प्रवेशासाठी तीन नियमित आणि पाच विशेष फेऱ्या राबवूनही प्रवेशाच्या तब्बल २ लाख २० हजार ६९२ जागा रिक्तच (2 lakh 20 thousand 692 seats vacant) राहिल्याचे स्पष्ट झाले आहे. तर शिक्षणाचे माहेरघर असलेल्या पुण्यात यंदा अकरावी प्रवेशाच्या ४३ हजार १९६ जागा खाली (43 thousand 196 seats down) राहिल्या आहेत.

पुण्यात ३४३ महाविद्यालयांमध्ये १ लाख २० हजार ८०५ जागा उपलब्ध आहेत. या जागांसाठी १ लाख ३ हजार ५९३ विद्यार्थ्यांनी नोंदणी केलेली आहे. उपलब्ध जागांपैकी १७ हजार २०५ विद्यार्थ्यांनी अर्जच केले नसल्याचे दिसून येत आहे. तर, नोंदणी केलेल्या विद्यार्थ्यांपैकी ७७ हजार ६०९ विद्यार्थ्यांनी प्रवेश घेतला असून, अद्यापही प्रवेशासाठी ४३ हजार १९६ जागा खाली राहिल्या आहेत.

नोंदणी झाल्यानंतर आणि प्रवेशाच्या तब्बल आठ फेऱ्या झाल्यानंतर तसेच आता प्रवेश प्रक्रिया जवळपास संपत आल्यानंतरही प्रवेशाच्या २ लाख २० हजार ६९२ जागा रिक्त राहिल्या आहेत. त्यामुळे अकरावी प्रवेशाकडे विद्यार्थ्यांनी पाठ फिरविल्याचे स्पष्ट झाले आहे. विद्यार्थ्यांचा पारंपरिक शिक्षणाऐवजी कौशल्य शिक्षणाकडे जास्त कल वाढत आहे. मुंबई विभाग रिक्त जागा १ लाख ३७ हजार ५०४ पुणे विभाग रिक्त जागा ४३ हजार १९६ नागपूर विभाग रिक्त जागा नाशिक विभाग रिक्त जागा २२ हजार ८७० १० हजार ८०३ अमरावती विभाग रिक्त जागा ६ हजार ३१९ एकूण रिक्त जागा २ लाख २० हजार ६९२ जागा रिक्त राहिल्या आहेत. 

सर्व फेऱ्या संपल्यानंतर उपलब्ध झालेल्या आकडेवारीनुसार अमरावती, ९ मुंबई, नागपूर, नाशिक, पुणे विभागात प्रवेशासाठी १ हजार ७२७ महाविद्यालये उपलब्ध आहेत. या महाविद्यालयांमध्ये ६ लाख २७ हजार ६७० जागा प्रवेशासाठी उपलब्ध आहेत. त्यासाठी ४ लाख ९३ हजार ९०४ विद्यार्थ्यांनीच नोंदणी केलेली आहे. म्हणजे, उपलब्ध जागांच्या १ लाख ३३ हजार ७६६ विद्यार्थ्यांनी नोंदणी देखील केली नसल्याचे स्पष्ट झाले आहे.