मुंबईतील शाळेत धक्कादायक प्रकार, वर्गमित्रानेच केला मित्रावर लैंगिक अत्याचार
मुंबईतील एका नामंकित शाळेतील ८वीत शिकणारा विद्यार्थी आपल्या वर्गमित्राशी अश्लील वर्तन करायचा. त्यानंतर पुन्हा त्याने वर्गमित्रावर त्याच्या घरा जवळील एका निर्जन ठिकाणी लैंगिक अत्याचार करण्याचा प्रयत्न केला.
eduvarta@gmail.com 
एज्युवार्ता न्यूज नेटवर्क
मुंबईतील एका नामांकित शाळेतून धक्कादायक (Shocking school incident) प्रकार समोर आलाय. एका अल्पवयीन विद्यार्थ्यावर त्याच्याच वर्गातील मित्राने लैंगिक अत्याचार (Sexual assault) केला आहे. घटनेची माहिती पिडित विद्यार्थ्याने कुटुंबियांना दिल्यानंतर पालकांकडून पोलिसांत तक्रार (Complaint to the police) दाखल करण्यात आली आहे. या प्रकरणी POCSO कायद्याअंतर्गत गुन्हा नोंदवण्यात (Registration of offense under POCSO Act) आला असून या घटनेमुळे विद्यार्थी आणि पालकांमध्ये भीतीचे वातावरण आहे.
हेही वाचा - JEE MAIN परीक्षेची सुधारित तारीख जाहीर; 'या' दिवसापासून परीक्षा होणार सुरू
मिळालेल्या माहितीनुसार, मुंबईतील एका नामंकित शाळेतील ८वीत शिकणारा विद्यार्थी आपल्या वर्गमित्राशी अश्लील वर्तन करायचा. त्यानंतर पुन्हा त्याने वर्गमित्रावर त्याच्या घराजवळील एका निर्जन ठिकाणी लैंगिक अत्याचार करण्याचा प्रयत्न केला. सदर घटना पीडित मुलाने आपल्या आईला सांगितली. पीडित मुलाच्या आईने तातडीने पोलीस ठाणे गाठत तक्रार नोंदवली.
पालकांच्या तक्रारीनंतर पोलिसांनी तपास करायला सुरुवात केला. तपासकार्यात भयानक गोष्ट समोर आली. फेब्रुवारी २०२५ मध्ये आरोपी मुलाने पीडित मुलाला मारहाण केल्याचं समजलं. शिवाय बाथरूममध्ये नेऊन त्याच्यावर बळजबरी करत लैंगिक अत्याचार केला. मात्र पीडित मुलाने घाबरून आपल्या कुटुंबियांना याबद्दल काही सांगितलं नाही.
दरम्यान, या प्रकरणी पोलिसांनी गुन्हा दाखल करून लैंगिक गुन्ह्यांपासून मुलांचे संरक्षण (POCSO) कायद्याच्या संबंधित कलमांखाली पुढील तपास सुरू केला आहे. तसेच शाळा अधिकारी आणि पालकांशी चौकशी करत आहेत. या धक्कादायक घटनेनंतर संबंधित शाळेतील मुले आणि पालकांमध्ये भीतीचे वातारण निर्माण झाले आहे.
