JEE MAIN परीक्षेची सुधारित तारीख जाहीर; 'या' दिवसापासून परीक्षा होणार सुरू
पेपर २ परीक्षा २९ जानेवारी २०२६ रोजी सकाळी ९ ते दुपारी १२:३० या एकाच शिफ्टमध्ये घेतली जाईल. एनटीएने परीक्षा शहर स्लिप जारी केली आहे. उमेदवार संकेतस्थळावर जाऊन परीक्षा शहराची माहिती तपासू शकतात.
eduvarta@gmail.com 
एज्युवार्ता न्यूज नेटवर्क
संयुक्त प्रवेश परीक्षा (मुख्य) २०२६ (JEE Main 2026) सत्र १ ला बसणाऱ्या उमेदवारांसाठी एक महत्त्वाची बातमी आहे. एनटीएने जेईई मेन २०२६ सत्र १ परीक्षेसाठी सुधारित परीक्षेचे वेळापत्रक जाहीर (The revised examination schedule has been announced) केले आहे. ही परीक्षा आधीच्या वेळापत्रकानुसार २१ जानेवारी ते ३० जानेवारी दरम्यान होणार होती. मात्र, एनटीएने परीक्षेच्या तारखा बदलल्या (The exam dates have been changed) आहेत. एनटीएने जारी केलेल्या नवीन अधिसूचनेनुसार, ही परीक्षा आता २१ जानेवारी ते २९ जानेवारी २०२६ दरम्यान होणार आहे.
हेही वाचा - शिक्षण MHT CET, MBA/MMS CET च्या प्रवेश नोंदणीस १० जानेवारीपासून सुरुवात
एनटीएने जारी केलेल्या नवीन अधिसूचनेनुसार, संयुक्त प्रवेश परीक्षा (मुख्य) २०२६ सत्र १ परीक्षा २१ जानेवारी ते २९ जानेवारी दरम्यान घेतली जाईल. पेपर १ (बीई आणि बीटेक) ची परीक्षा २१, २२, २३, २४ आणि २८ जानेवारी २०२६ रोजी घेतली जाईल. ही परीक्षा दोन शिफ्टमध्ये घेतली जाईल: पहिली शिफ्ट सकाळी ९ ते दुपारी १२ आणि दुसरी शिफ्ट दुपारी ३ ते संध्याकाळी ६ पर्यंत असणार आहे.
शिवाय, पेपर २ परीक्षा २९ जानेवारी २०२६ रोजी सकाळी ९ ते दुपारी १२:३० या एकाच शिफ्टमध्ये घेतली जाईल. एनटीएने परीक्षा शहर स्लिप जारी केली आहे. उमेदवार संकेतस्थळावर जाऊन परीक्षा शहराची माहिती तपासू शकतात.
असे डाउनलोड करा सिटी स्लिप
परीक्षा शहर स्लिप डाउनलोड करण्यासाठी, प्रथम अधिकृत वेबसाइट jeemain.nta.nic.in ला भेट द्या. वेबसाइटच्या होमपेजवरील "जेईई(मेन)-२०२६ [सत्र-१] साठी अॅडव्हान्स सिटी इंटिमेशन लाईव्ह आहे!" लिंकवर क्लिक करा. लिंकवर क्लिक केल्यानंतर, तुमचे लॉगिन क्रेडेन्शियल्स सबमिट करा.
