शिक्षण मंडळाकडून विद्यार्थ्यांना मोफत समुपदेशन, हेल्पलाइन नंबर प्रसिद्ध
समुपदेशक विद्यार्थ्यांना करिअर मार्गदर्शन, अपयशातून बाहेर पडण्याचे उपाय, सकारात्मक दृष्टीकोन विकसित करणे आणि मानसिक आधार देण्याचे काम करतील, असा उद्देश ठेवण्यात आला आहे.
eduvarta@gmail.com 
एज्युवार्ता न्यूज नेटवर्क
दहावी आणि बारावीच्या निकालानंतर (10th, 12th Results) विद्यार्थ्यांमध्ये निर्माण होणारा मानसिक तणाव, निराशा आणि दडपण कमी करण्यासाठी महाराष्ट्र राज्य माध्यमिक व उच्च माध्यमिक शिक्षण मंडळाने महत्त्वाचा निर्णय (Education Board's Decision) घेतला आहे. मंडळाने १० प्रशिक्षित समुपदेशकांची नियुक्ती (Appointment of Counselors) केली असून, निकाल जाहीर झाल्यानंतर विद्यार्थी आणि पालकांना मोफत समुपदेशन ९Free Counseling) सेवा उपलब्ध करून दिली आहे.
ही सेवा निकालाच्या दिवसापासून पुढील ८ दिवस सकाळी ८ ते रात्री ८ या वेळेत उपलब्ध असेल. विद्यार्थी किंवा पालक थेट हेल्पलाइनवर संपर्क साधून मार्गदर्शन घेऊ शकतात. समुपदेशक विद्यार्थ्यांना करिअर मार्गदर्शन, अपयशातून बाहेर पडण्याचे उपाय, सकारात्मक दृष्टीकोन विकसित करणे आणि मानसिक आधार देण्याचे काम करतील, असा उद्देश ठेवण्यात आला आहे.
या निर्णयामागे सोहम मोरेसारख्या दुर्दैवी घटनांना प्रतिबंध करण्याचा उद्देश आहे. मंडळाच्या अधिकाऱ्यांनी सांगितले की, “निकाल हा केवळ यश-अपयशाचा निकष नसून विद्यार्थ्यांचे भावनिक स्वास्थ्य महत्त्वाचे आहे. या सेवेद्वारे आम्ही प्रत्येक विद्यार्थ्याला आवश्यक मदत पोहोचवू इच्छितो.
”पालक आणि शिक्षकांनीही विद्यार्थ्यांशी खुला संवाद साधावा आणि गरज पडल्यास तात्काळ हेल्पलाइनचा वापर करावा, असे आवाहन मंडळाने केले आहे. मंडळाकडून उपलब्ध करून दिलेल्या हेल्पलाइन नंबरवर ( ९९६०६४४४११, ७९७२५७३७४२, ९८३४०८४५९३, ९३५९९७८३१५, ८१६९२०२२१४, ९३७१६६१२५५, ७२०८४२९३८१, ७७०९१५६०६८, ८४२११५०५२८, ९४०४७८३९९६ ) संपर्क साधता येईल. हा निर्णय विद्यार्थी, पालक आणि शिक्षण क्षेत्रासाठी दिलासादायक मानला जात आहे.
