दहावीच्या पुरवणी परीक्षेसाठी अर्ज भरण्यास मुदतवाढ; २५ जूनपर्यंत भरा अर्ज
विद्यार्थ्यांना आता नियमित शुल्कासह २१ जूनपर्यंत अर्ज भरता येणार आहेत. तर विलंब शुल्कासह २२ ते २५ जून या कालावधीत अर्ज करता येतील.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य माध्यमिक व उच्च माध्यमिक शिक्षण मंडळामार्फत (SSC Board) जुलै-ऑगस्ट महिन्यात इयत्ता दहावीची पुरवणी परीक्षा (Supplementary Exam) घेण्यात येणार आहे. या परीक्षेसाठी नियमित शुल्कासह ऑनलाईन अर्ज भरण्याची अंतिम मुदत शुक्रवारी संपणार आहे. यापार्श्वभूमीवर मंडळाने अर्ज भरण्याची मुदत २१ जूनपर्यंत वाढविली आहे. (SSC Examination)
विद्यार्थ्यांना आता नियमित शुल्कासह २१ जूनपर्यंत अर्ज भरता येणार आहेत. तर विलंब शुल्कासह २२ ते २५ जून या कालावधीत अर्ज करता येतील. दहावीच्या पुरवणी परीक्षेला पुनर्परीक्षार्थी, यापूर्वी नावनोंदणी प्रमाणपत्र प्राप्त झालेले खाजगी विद्यार्थी तसेच श्रेणीसुधार योजनेअंतर्गत व तुरळक विषय, ITI विषय घेऊन प्रविष्ठ होणाऱ्या विद्यार्थ्यांना (औद्योगिक प्रशिक्षण संस्थेद्वारे Transfer of Credit घेणारे विद्यार्थी) ऑनलाईन पध्दतीने अर्ज भरता येणार आहेत.
राज्यातील सर्व माध्यमांच्या शाळांमध्ये ज्युनियर व सिनियर केजी सुरू करणार; दीपक केसरकरांची मोठी घोषणा
परीक्षा देऊ इच्छिणाऱ्या विद्यार्थ्यांचे परीक्षेचे अर्ज ऑनलाईन पध्दतीने दहावीसाठी www.mahahsscboard.in या संकेतस्थळावर भरता येतील. परीक्षेचे अर्ज ऑनलाईन पध्दतीने स्विकारण्यात येणार असल्याने विद्यार्थ्यांनी जुलै-ऑगस्ट २०२३ मध्ये होणाऱ्या परीक्षेचे अर्ज माध्यमिक शाळांमार्फत भरावेत.
ऑनलाईन अर्ज भरताना मार्च- २०२३ परीक्षेत अनुत्तीर्ण झालेल्या विद्यार्थ्यांना त्यांची या परीक्षेतील माहिती अर्जात ऑनलाईन घेता येईल. परीक्षेला प्रथमतः प्रविष्ठ झालेल्या व श्रेणीसुधार करु इच्छिणाऱ्या विद्यार्थ्यांसाठी जुलै-ऑगस्ट २०२३ व मार्च २०२४ अशा लगतच्या दोन संधी उपलब्ध राहतील.
बारावीनंतर दोन वर्षात शिक्षक व्हायचंय, मग ऑनलाईन अर्ज भरला का? नोंदणीला झाली सुरूवात
नियमित, विलंब शुल्कासह अर्ज सादर केलेल्या विद्यार्थ्यांचे शुल्क चलनाद्वारेच भरण्यात यावे. सर्व विभागीय मंडळातील माध्यमिक शाळांनी निधारित शुल्क मंडळाने निश्चित केलेल्या बँकेच्या खात्यामध्ये जमा करुन चलनाची प्रत व विद्यार्थांच्या याद्या दिलेल्या मुदतीतच संबंधित विभागीय मंडळाकडे सादर कराव्यात आणि आवेदनपत्रे ऑनलाईन पध्दतीने सादर करावयाच्या तारखांमध्ये कोणतीही मुदतवाढ देण्यात येणार नाही, अशा सुचना मंडळाकडून माध्यमिक शाळांना देण्यात आल्या आहेत.
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
