SPPU NEWS : विद्यार्थ्यांना परीक्षा अर्ज भरण्यास मुदतवाढ

एज्युवार्ता न्यूज नेटवर्क 

सावित्रीबाई फुले पुणे विद्यापीठाच्या (Savitribai Phule Pune University)परीक्षा विभागाने (Examination Section) विद्यार्थ्यांना दोन दिवस परीक्षा अर्ज भरण्यासाठी मुदतवाढ (Extension of deadline) देण्याच्या निर्णय घेतला आहे. त्यामुळे काही कारणास्तव परीक्षा अर्ज भरण्याचे राहून गेलेल्या विद्यार्थ्यांना परीक्षा अर्ज भरण्याची शेवटची संधी (Last chance to fill out the application form) उपलब्ध झाली आहे. विद्यार्थ्यांनी दिलेल्या मुदतीत परीक्षा अर्ज भरून संबंधित अधिकाऱ्यांनी अर्ज इनवर्ड करायचा आहे. विद्यार्थी 2  एप्रिल ते 3 एप्रिल या कालावधीत ऑनलाईन अर्ज भरू शकतात. तर 2 एप्रिल ते 4 एप्रिल या कालावधीत परीक्षा अर्ज कायम (इनवर्ड) करू शकतात.

सावित्रीबाई फुले पुणे विद्यापीठाशी संलग्न पुणे, अहिल्यानगर आणि नाशिक या तीन जिल्ह्यांमध्ये संलग्न महाविद्यालयातील विद्यार्थ्यांना वाढीव मुदतीत परीक्षा अर्ज भरता येणार आहेत. त्यात एलएलएम, एमएससी, बीसीए, इंजीनियरिंग, प्रथम वर्ष बी.कॉम अशा विविध अभ्यासक्रमाचा समावेश आहे. अभ्यासक्रमाची यादी विद्यापीठाच्या संकेतस्थळावर प्रसिद्ध करण्यात आली आहे.

विद्यार्थ्यांचे ऑनलाईन अर्ज भरून घेतानाच प्रक्रियेनंतर ते विद्यापीठाच्या अंतर्गत व संरक्षित प्रणाली द्वारे परीक्षा अधिकारी यांनी दिलेल्या मुदतीत इनवर्ड करावेत. तसेच विद्यार्थ्यांनी भरलेले परीक्षा अर्ज स्वीकारून ते कायम करण्याची जबाबदारी महाविद्यालयांनी कार्यालयीन काळात जबाबदारीने व गांभीर्याने पार पाडावी. अर्ज 4 एप्रिलपर्यंत इनवर्ड होतील, याबाबत काळजी घ्यावी, असे विद्यापीठाच्या परीक्षा व मूल्यमापन मंडळाचे प्रभारी संचालक डॉ. प्रभाकर देसाई यांनी स्पष्ट केले आहे.