म. ए. सो. बाल शिक्षण मंदिराची आंतरशालेय नाट्यवाचन स्पर्धेत घवघवीत कामगिरी
या स्पर्धेत इयत्ता चौथीतील कृष्णाई घैसास हिने उत्कृष्ट वाचनकौशल्याचे प्रदर्शन करत ‘उत्कृष्ट वाचक’ हा पुरस्कार आणि मेडल मिळवले. तसेच संपूर्ण स्पर्धेतील सहभागी संघांमधून इयत्ता चौथीतील अथर्व सातव याला विशेष प्रावीण्यासाठी ट्रॉफी प्रदान करण्यात आली.
Eduvarta
एज्युवार्ता न्यूज नेटवर्क
म. ए. सो. भावे प्राथमिक शाळा येथे आयोजित करण्यात आलेल्या आंतरशालेय नाट्यवाचन स्पर्धेत म. ए. सो. बाल शिक्षण मंदिराने उल्लेखनीय यश संपादन केले. स्पर्धेत शाळेच्या संघाने उत्कृष्ट कामगिरी करत द्वितीय क्रमांकाचे पारितोषिक पटकावले.
या स्पर्धेत इयत्ता चौथीतील कृष्णाई घैसास हिने उत्कृष्ट वाचनकौशल्याचे प्रदर्शन करत ‘उत्कृष्ट वाचक’ हा पुरस्कार आणि मेडल मिळवले. तसेच संपूर्ण स्पर्धेतील सहभागी संघांमधून इयत्ता चौथीतील अथर्व सातव याला विशेष प्रावीण्यासाठी ट्रॉफी प्रदान करण्यात आली.
स्पर्धेसाठी सादर करण्यात आलेल्या संहितेचीही विशेष दखल घेण्यात आली. उत्कृष्ट संहिता लेखनासाठी श्रीमती भाग्यश्री हिरास आणि सौ. तनुजा सोनपाटकी यांना पारितोषिक देऊन गौरविण्यात आले.
या यशामुळे म. ए. सो. बाल शिक्षण मंदिराच्या विद्यार्थी, शिक्षक आणि पालकवर्गामध्ये आनंदाचे वातावरण निर्माण झाले आहे. शाळेच्या या यशाबद्दल सर्व यशस्वी विद्यार्थी, मार्गदर्शक शिक्षक व संपूर्ण संघाचे सर्व स्तरांतून अभिनंदन करण्यात येत आहे.
