श्रीपाद ढेकणे याचे निधन; शिक्षण क्षेत्रातील अभ्यासू व्यक्तिमत्व हरपले
राज्याचे माजी शिक्षण मंत्री विनोद तावडे यांचे स्वीय सहाय्यक (osd) म्हणून त्यांनी अनेक वर्षे काम केले होते.
Eduvarta
एज्युवार्ता न्यूज नेटवर्क
शिक्षण क्षेत्रातील अभ्यासू व्यक्तिमत्व तसेच राज्याचे माजी शिक्षण मंत्री विनोद तावडे यांचे स्वीय सहाय्यक (osd) यांचे कर्करोगाने निधन झाले. त्यांच्या पश्चात त्याची आई,पत्नी, दोन मुली असा परिवार आहे.वयाच्या ५९ व्या वर्षी त्यांनी अखेरचा श्वास घेतला.गेल्या काही दिवसांपासून ते दीनानाथ मंगेशकर रुग्णालयात उपचार घेत होते.
श्रीपाद ढेकणे हे पुण्यातील खडकी येथील टीकाराम जगन्नाथ कॉलेजमध्ये कनिष्ठ महाविद्यालयात व्यावसायिक अभ्यासक्रमाचे शिक्षक म्हणून कार्यरत होते.नुकतेच ते सेवानिवृत्त झाले होते.ढेकणे हे राज्य अभ्यासक्रम आराखडा' आणि शैक्षणिक धोरणांबाबतच्या विविध समित्यांमध्ये सक्रियपणे कार्यरत होते. बालभारतीतर्फे गेल्या वर्षी आयोजित करण्यात आलेल्या अभ्यासक्रम आराखड्याच्या कार्यक्रमात त्यांनी सहभाग घेतला होता.राज्याचे माजी शिक्षण मंत्री विनोद तावडे यांचे स्वीय सहाय्यक (osd) म्हणून त्यांनी अनेक वर्षे काम केले होते.
दरम्यान, शालेय शिक्षण विभागातील शैक्षणिक उपक्रमाबरोबरच ढेकणे हे कौशल्य विकसित अभ्यासक्रमाच्या कामातही लक्ष देत होते. कौशल्य विकास मंत्री मंगल प्रभात लोढा यांच्या कार्यालयानंतर काही महिन्यांपूर्वी त्यांना मुख्यमंत्री कार्यालयातील शिक्षण विषयक कामाची सुद्धा जबाबदारी देण्यात आली होती.
डॉ श्रीपाद ढेकणे यांचे अंत्यदर्शन त्याच्या राहत्या घरी 7.30 पासून 8.15 पर्यंत रामबाग कॉलनी Building no. 8 नवी पेठ पुणे येथे आहे. सुमारे सहा महिन्यापूर्वी त्यांना कर्करोगाचे निदान झाले होते.
