शिक्षक दिनी रंगणार 'महाराष्ट्र एज्युकेशन अँड कॉर्पोरेट अवॉर्ड्स'चा चौथा सोहळा; ५ सप्टेंबरला पुण्यात आयोजन
शिक्षण क्षेत्रातील कुलपती, कुलगुरू, प्राचार्य आणि कॉर्पोरेट क्षेत्रातील सीईओ, सीएचआरओ, संस्थापक अशा ३० नेतृत्वांना एकाच व्यासपीठावर सन्मानित केले जाईल.तसेच बदलत्या तंत्रज्ञानानुसार विद्यार्थ्यांनी केवळ पारंपरिक शिक्षण न घेता उद्योगांना आवश्यक कौशल्ये आत्मसात करावीत, या दृष्टीने संवाद घडवून आणणे हा याचा मुख्य उद्देश आहे.
Eduvarta
0
एज्युवार्ता न्यूज नेटवर्क
शिक्षण क्षेत्रातून घडणारे विद्यार्थी आणि उद्योग क्षेत्राला (Corporate Sector) अपेक्षित कुशल मनुष्यबळ यातील दरी कमी करण्याच्या उद्देशाने 'महाराष्ट्र एज्युकेशन अँड कॉर्पोरेट अवॉर्ड्स २०२६'च्या चौथ्या सोहळ्याचे आयोजन करण्यात आले आहे. 'जॉबिझ्झा'च्या (Jobizza) वतीने ५ सप्टेंबर रोजी शिक्षक दिनाचे औचित्य साधून पुण्यातील सनीज वर्ल्ड येथे हा सोहळा पार पडणार आहे. या सोहळ्यात शिक्षण आणि उद्योग क्षेत्रात उल्लेखनीय कार्य करणाऱ्या राज्यातील ३० मान्यवरांचा गौरव करण्यात येणार आहे. Pass98 हे या कार्यक्रमाचे प्रमुख प्रायोजक आहेत.
या सोहळ्यास महाराष्ट्राचे उच्च व तंत्रशिक्षण मंत्री चंद्रकांत पाटील हे प्रमुख पाहुणे लाभले असून तर अण्णासाहेब बनसोडे सन्माननीय अतिथी म्हणून उपस्थित राहणार आहेत. तसेच सावित्रीबाई फुले पुणे विद्यापीठाचे प्र-कुलगुरू प्रा. (डॉ.) पराग काळकर, एनस्क्वेअर एक्सपर्ट्सचे सीईओ निलेश कांकरिया, जीएसटी आयुक्त दिनेश भोईर, अतिरिक्त जीएसटी आयुक्त प्रसाद गोरसे, अतिरिक्त सीमाशुल्क आयुक्त शिवकुमार साळुंखे, 'हेल्मेट मॅन ऑफ इंडिया' राघवेंद्र कुमार, प्रसिद्ध संगीत दिग्दर्शक आनंद राज आनंद यांच्यासह विविध विद्यापीठांचे कुलगुरू व ज्युरी सदस्य उपस्थित राहणार आहेत. “जिथे शैक्षणिक क्षेत्र उद्योगाचा सन्मान करते आणि उद्योग क्षेत्र शैक्षणिक क्षेत्राचा सन्मान करते” या मध्यवर्ती संकल्पनेवर आधारित हा उपक्रम आहे.
शिक्षण क्षेत्रातील कुलपती, कुलगुरू, प्राचार्य आणि कॉर्पोरेट क्षेत्रातील सीईओ, सीएचआरओ, संस्थापक अशा ३० नेतृत्वांना एकाच व्यासपीठावर सन्मानित केले जाईल.तसेच बदलत्या तंत्रज्ञानानुसार विद्यार्थ्यांनी केवळ पारंपरिक शिक्षण न घेता उद्योगांना आवश्यक कौशल्ये आत्मसात करावीत, या दृष्टीने संवाद घडवून आणणे हा याचा मुख्य उद्देश आहे.
जॉबिझ्झाचे संस्थापक डॉ. गौरव शर्मा यांनी सांगितले की, पंतप्रधान नरेंद्र मोदी यांच्या 'विकसित भारत'च्या संकल्पनेसाठी 'विकसित महाराष्ट्र' ही गुरुकिल्ली आहे. शिक्षण व रोजगारातील दरी मिटवण्यासाठी हे व्यासपीठ काम करत आहे.
Pass98 चे सीईओ नितेश कांकरिया यांनी स्पष्ट केले की, मुलाखतीच्या तयारीसाठी एआय (AI) तंत्रज्ञानाचा वापर करून विद्यार्थ्यांना सक्षम बनवणे आणि शैक्षणिक-उद्योग क्षेत्राला एकत्र आणणे ही त्यांची कॉर्पोरेट सामाजिक जबाबदारी आहे. जगदंबा कॉलेज ऑफ इंजिनिअरिंगच्या संचालिका व प्रायोजक शितल वाटिले यांनीही या उपक्रमाचे कौतुक केले.
