भारतीय विद्यार्थी आता अमेरिका, ब्रिटन नाही; तर या देशात जातात..

एज्युवार्ता न्यूज नेटवर्क 

भारतीय विद्यार्थ्यांची परदेशी शिक्षणाची (Foreign education) पसंत आता बदललेली दिसून येत आहे. यापूर्वी अमेरिका, ब्रिटन, कॅनडा (America, Britain, Canada) देशाकडे असलेला कल आता जर्मन, रशिया आणि फ्रान्स (German, Russia and France) यासारख्या देशाकडे वळल्याचे पाहायला दिसून येत आहे. मेरिका, ब्रिटन, कॅनडा देशानी व्हिसा धोरणात केलेल्या कडक धोरणामुळे गेल्या वर्षी परदेशी शिक्षण घेणाऱ्या भारतीय विद्यार्थ्यांच्या संख्येत १५ टक्के घट (15 percent decrease in the number of Indian students) झाल्याचे नुकतेच एका एकडेवारीतून समोर आले आहे. 

अमेरिका, कॅनडा आणि ब्रिटन सारख्या देशांनी व्हिसा धोरणे कडक केल्यामुळे ही घट झाल्याचे समोर आला आहे. ज्यामध्ये कॅनडामध्ये ४१ टक्के इतकी सर्वांत मोठी घट झाली. संसदेत नुकत्याच सादर केलेल्या आकडेवारीवरून असे दिसून आले आहे की, २०२४ मध्ये ७ लाख ५९ हजार ६४ भारतीय विद्यार्थी शिक्षणासाठी परदेशात गेले होते, तर २०२३ मध्ये ही संख्या ८ लाख ९२ हजारांवर ९८९ होती. तसेच २०२२ मध्ये (कोविड साथीच्या काळात) ७ लाख ५० हजार ३६५ होती. २०२४ मध्ये जी काही विद्यार्थी संख्या घटली आहे त्यामध्ये अमेरिका, ब्रिटन, कॅनडा व ऑस्ट्रेलिया देशांच्या नोंदणीमध्ये घट झाल्याचे समोर आले आहे. तर दुसरीकडे, जर्मनी, रशिया, फ्रान्स, आयर्लंड व न्यूझीलंडमध्ये भारतीय विद्यार्थ्यांची संख्या वाढली आहे. 

फेब्रुवारी २०२५ मध्ये, भारताने ऑस्ट्रेलियन विद्यार्थी व्हिसाच्या बाबतीत पहिल्यांदाच चीनला मागे टाकले. या काळात विद्यार्थी व्हिसा मंजूर करणाऱ्या देशांमध्ये भारत अव्वल स्थानावर होता. या कालावधीत २ हजार ७३४ हून अधिक भारतीय विद्यार्थ्यांना ऑस्ट्रेलियन व्हिसा देण्यात आला, तर जानेवारीमध्ये हा आकडा २ हजार ३९८ होता, तर चीनला एकूण ३ हजार ५७३ व्हिसा देण्यात आला आहे. 

भारतातील ७२% विद्यार्थी कॅनडा, अमेरिका आणि यूके  या तीन देशांमध्ये जात असून भारतीय विद्यार्थ्यांचे पहिल्या तीन क्रमांकाच्या पसंतीचे हे देश आहेत. असे असताना आता मात्र भारतीय विद्यार्थी वेगळ्या देशांना प्राधान्य देत आहेत.