NEET PG 2024 परीक्षेला डॉक्टरांचा विरोध 

एज्युवार्ता न्यूज नेटवर्क 

NEET PG 2024 परीक्षेसाठी फक्त एक महिना शिल्लक असताना डॉक्टर या परीक्षेचा विरोध (Opposing doctors exam) करत आहेत. राष्ट्रीय वैद्यकीय आयोगाने NEET PG परीक्षेच्या पॅटर्नमध्ये महत्त्वाचे बदल (Important changes in exam pattern)केले आहेत. यामुळे डॉक्टर संघटनांकडून हा विरोध होत आहे.

आयोगाने  23 जून रोजी होणारा NEET PG परीक्षेचा पेपर अनेक कालबद्ध विभागांमध्ये विभागला गेला आहे. तसेच पेपरमधील प्रत्येक विभागासाठी वेळ निश्चित करण्यात आली आहे. परीक्षा फक्त ऑनलाइन पद्धतीने घेतली जाईल. पण पेपरमधील सर्व भागांसाठी कालमर्यादा असेल.  पेपरमध्ये  A, B, C, D, E असे पाच विभाग आणि  प्रत्येक विभाग 40-42 मिनिटांचा असेल. उमेदवार प्रथम त्यांच्या विभागासाठी दिलेला वेळ पूर्ण करतील आणि त्यानंतरच ते पुढील विभागात जाण्यास सक्षम असतील. त्या ठराविक विभागाची वेळ संपल्यानंतर उमेदवारांना अधिच्या विभागात काही दुरुस्ती किंवा उत्तर लिहिता येणार नाही. 

 NEET PG च्या पॅटर्नमध्ये बदल करण्यास डॉक्टर संघटनांनी विरोध केला आहे.  युनायटेड डॉक्टर्स फ्रंटचे अध्यक्ष डॉ लक्ष्य मित्तल म्हणाले, " NEET PG परीक्षा 23 जून रोजी होणार आहे. अशा स्थितीत पॅटर्नमध्ये अचानक बदल केल्यास विद्यार्थ्यांच्या परीक्षेच्या तयारीवर परिणाम होणार आहे."

या प्रवेश परीक्षेचा निकाल 15 जुलैपर्यंत जाहीर केला जाईल. त्यानंतर 5 ऑगस्ट ते 15 ऑक्टोबरपर्यंत समुपदेशन प्रक्रिया सुरू राहणार आहे. तर 16 सप्टेंबरपासून शैक्षणिक सत्र सुरू होणार आहे. या सत्रात सहभागी होण्याची अंतिम तारीख २१ ऑक्टोबर आहे.