युनियन बँक अधिकारी भरती परीक्षेच्या तारखा जाहीर

एज्युवार्ता न्यूज नेटवर्क 

युनियन बँक ऑफ इंडियाने (Union Bank of India Recruitment) देशातील स्थानिक बँक अधिकाऱ्याच्या 1 हजार 500 रिक्त पदे भरण्यासाठी भरती प्रक्रिया सुरू केली आहे.  याअंतर्गत आता UBI ने परीक्षेची तारीख  जाहीर केली आहे. (UBI has announced the exam date) बँकेने जाहीर केलेल्या अधिसूचनेनुसार, या भरतीसाठी 4 ते 8 डिसेंबर 2024 दरम्यान   देशभरातील परीक्षा केंद्रांवर परीक्षा होणार आहे. 

UBI ने  निक बँक अधिकारी पदाच्या 1 हजार 500 जागांसाठी भरती केली जात आहे. इच्छुक उमेदवारांना बँकेने १३ नोव्हेंबर ही अर्ज करण्याची मुदत दिली होती. ज्या उमेदवारांनी घालून दिलेल्या विहित दिनांकाच्या आत शुल्क भरून बँकेच्या अधिकृत वेबसाइटवर अर्ज भरले आहेत, अशा सर्वांना पात्र ठरवण्यात आले आहे. 

युनियन बँक ऑफ इंडियाच्या वेबसाईट unionbankofindia.co.in ला भेट देऊन उमेदवारांना सविस्तर वेळापत्रक पाहायला मिळणार आहे. या भरती प्रक्रियेत सहभागी होण्यासाठी 30 वर्षांपेक्षा कमी वयाचे लोक अर्ज करू करण्यास पात्र ठरवण्यात आले आहेत. या भरतीमध्ये सहभागी होण्यासाठी, अर्जदाराचे किमान वय 1 ऑक्टोबर 2024 रोजी 20 वर्षांपेक्षा कमी आणि कमाल वय 30 वर्षांपेक्षा जास्त नसावे अशी अट घालण्यात आली होती.  मान्यताप्राप्त विद्यापीठ/संस्थेतून कोणत्याही शाखेतील पदवीधर उमेदवार  भरतीमध्ये सहभागी झाले आहेत. 

युनियन बँक भरतीअंतर्गत देशभरातील विविध राज्यांमध्ये रिक्त जागा भरल्या जाणार आहेत. यामध्ये कर्नाटकात सर्वाधिक 300 पदे भरली जाणार आहेत. याशिवाय आंध्र प्रदेशमध्ये 200, आसाममध्ये 50, गुजरातमध्ये 200, केरळमध्ये 100, महाराष्ट्रात 50, ओडिशामध्ये 100, तामिळनाडूमध्ये 200, तेलंगणामध्ये 200 आणि पश्चिम बंगालमध्ये 100 पदांवर भरती करण्यात येणार आहे.