अश्लील व्हिडिओ आणि फोटो  व्हायरल करण्याची धमकी देत कॉलेज तरुणीवर १० महिने ४ जणांकडून सामूहिक अत्याचार..

एज्युवार्ता न्यूज नेटवर्क 

राज्यात महाविद्यालय तरुणींवर होणाऱ्या अत्याचाराच्या घटना सातत्याने समोर येत असतानाच कोल्हापूर जिल्ह्यातील (Kolhapur Crime) राधानगरी परिसरातून एक अत्यंत धक्कादायक घटना उघडकीस आली आहे. एका महाविद्यालयीन तरुणीवर (Collage Students) चार जणांनी मिळून तब्बल १० महिने सामूहिक लैंगिक अत्याचार (Sexual assault) केल्याचे उडलकीस आले आहे. मुरगूड पोलीस ठाण्यात दाखल झालेल्या तक्रारीनुसार, या प्रकरणी चार जणांना अटक (Four arrested) करण्यात आली आहे.

पीडित तरुणीची ओळख आदित्य शेटके याच्याशी ओळखपत्र तयार करून देण्याच्या निमित्ताने झाली होती. त्याचा राधानगरीत फोटोग्राफीचा व्यवसाय आहे. त्यामधूनच पीडित तरुणीची ओळख झाली होती. ओळखीचे मैत्रित झाले अन् कालांतराने या दोघांमध्ये प्रेमसंबंध निर्माण झाले. त्यानंतर आदित्याने पिडीत तरुणीशी शारीरिक जवळीक करुन तिचे अश्लिल फोटो आणि व्हिडिओ काढून घेतले. त्यानंतर त्याने पिडीत मुलीला आपल्या मित्रांसोबत बोलण्यास भाग पाडले. यानंतर या चारही जणांना मुलीवर अनेकदा बळजबरी करुन तिच्याशी शारीरिक संबंध ठेवले. या चार संशयित आरोपींनी गेल्या १० महिन्यांमध्ये मुलीला अश्लील फोटो

या प्रकरणी आदित्य शेटके, रणजीत मुधोळकर, प्रणवगिरी पालकर आणि विक्रम पाटील या चार आरोपींना पोलिसांनी अटक केली आहे. न्यायालयाने त्यांना पोलीस कोठडी सुनावल्याची माहिती मिळाली आहे. पोलिसांकडून मोबाईल फोन, सोशल मीडिया व्यवहार आणि इतर डिजिटल पुराव्यांची तपासणी सुरू असून या प्रकरणाशी संबंधित आणखी काही धागेदोरे मिळतात का याचा शोध घेतला जात आहे. या घटनेमुळे कोल्हापूर जिल्ह्यासह राज्यभरात संतापाची लाट उसळली असून महिलांच्या सुरक्षिततेचा प्रश्न पुन्हा एकदा ऐरणीवर आला आहे.