मोठी कारवाई! BLO कामात हलगर्जीपणा केल्यामुळे ११ अंगणवाडी सेविकांवर गुन्हे दाखल
हिंगणा आणि कामोठे विधानसभा मतदारसंघातील कामासाठी नेमलेल्या ११ अंगणवाडी सेविकांवर (बीएलओ) विविध पोलीस ठाण्यांमध्ये गुन्हे दाखल करण्यात आले आहेत. एसआयआर हे निवडणूक आयोगासाठी अत्यंत महत्त्वाचे काम असून, ते वेळेत पूर्ण करण्याची जबाबदारी शासन आणि आयोगावर आहे.
eduvarta@gmail.com 
एज्युवार्ता न्यूज नेटवर्क
नागपूरमध्ये मतदार याद्या पुनर्रक्षणाच्या विशेष सखोल पुनरीक्षण (एसआयआर) कार्यक्रमांतर्गत अंगणवाडी सेविकांना (BLO) म्हणून नियुक्त करण्यात आले होते. मात्र, नियुक्त कर्मचाऱ्यांनी ही महत्त्वाची जबाबदारी चोखपणे पार पाडली नसल्याचे समोर आले आहे. निवडणूक आयोगाच्या (Election Commission) स्पष्ट आदेशानुसार घर-घर जाऊन मतदार माहिती घेणे आवश्यक होते, परंतु अनेक बीएलओनी एकाही मतदाराच्या घरी भेट दिली नाही. यामुळे नोंदणीच्या (Correction of Voter Lists) कामात ठरलेल्या वेळेचा अपव्यय झाल्याचे यंत्रणांच्या लक्षात आले. त्या अनुषंगाने ११ अंगणवाडी सेविकांवर गुन्हे दाखल (Cases registered against 11 Anganwadi workers) करण्यात आले आहे.
हिंगणा आणि कामोठे विधानसभा मतदारसंघातील कामासाठी नेमलेल्या ११ अंगणवाडी सेविकांवर (बीएलओ) विविध पोलीस ठाण्यांमध्ये गुन्हे दाखल करण्यात आले आहेत. एसआयआर हे निवडणूक आयोगासाठी अत्यंत महत्त्वाचे काम असून, ते वेळेत पूर्ण करण्याची जबाबदारी शासन आणि आयोगावर आहे. नेहमीप्रमाणे यासाठी शिक्षक आणि अंगणवाडी कर्मचाऱ्यांची नियुक्ती करण्यात आली होती. मात्र, यंदा एसआयआर आणि जनगणनेचे काम एकाच वेळी सुरू असल्याने कर्मचाऱ्यांवर अतिरिक्त भार पडला आहे.
शिक्षकवर्गाने या दुहेरी जबाबदाऱ्यांबाबत नाराजी व्यक्त केली आहे. शाळेतील नियमित शिकवणी सुरू असताना हा अतिरिक्त भार टाकल्याने शिक्षकांना मोठी कसरत करावी लागत आहे. एसआयआरच्या धावपळीत अनेक महिला बीएलओ नेमलेले शिक्षक-शिक्षिका अपघातात जखमी झाल्याच्या घटना समोर आल्या आहेत. दुचाकीवरून जात असताना झालेल्या अपघातांमध्ये अनेक काही कर्मचाऱ्यांचा मृत्यू झाल्याचे समोर आले आहे. याशिवाय, कामाच्या ताणामुळे काहींना हृदयविकाराचा झटका येऊन किंवा इतर कारणांनी जीव गमवावा लागल्याचेही वृत्त आहे.
नागपूरसह राज्यातील अनेक भागांत जनगणना आणि एसआयआरच्या कामात हलगर्जी केल्याप्रकरणी शिक्षक आणि कर्मचाऱ्यांवर गुन्हे दाखल करण्यात येत आहेत. काही ठिकाणी १० ते १४ शिक्षकांविरुद्ध कारवाई झाली आहे. शिक्षक संघटनांनी यास विरोध दर्शवला असून, मुख्य काम शाळा आणि विद्यार्थ्यांवर केंद्रित ठेवण्याची मागणी केली आहे. निवडणूक आयोग आणि शासनाकडून काम पूर्ण करण्यासाठी सातत्याने सूचना दिल्या जात आहेत. एसआयआरमुळे मतदार याद्या अचूक आणि अद्ययावत करण्याचा उद्देश आहे. मात्र, कर्मचाऱ्यांवर पडलेला अतिरिक्त भार आणि त्यामुळे होणाऱ्या समस्या याकडे लक्ष देण्याची गरज व्यक्त होत आहे.
