पूजा खेडकरला उमेदवारी रद्द करण्यासाठी UPSC कडून कारणे दाखवा

एज्युवार्ता न्यूज नेटवर्क  

केंद्रीय लोकसेवा आयोगाने (UPSC) नागरी सेवा परीक्षा-2022 च्या तात्पुरत्या शिफारस केलेल्या उमेदवार पूजा मनोरमा दिलीप खेडकर (Pooja Manorama Dilip Khedkar)यांच्या गैरवर्तनाचा तपशीलवार आणि सखोल तपास केला आहे. या तपासणीतून तिने परीक्षा नियमांनुसार परवानगी असलेल्या नियमांचा भंग केला असल्याचे स्पष्ट झाले आहे. त्यात तिने परीक्षा देण्याच्या मर्यादा ओलांडल्या आहेत. तसेच तिचे नाव, तिच्या वडिलांचे आणि आईचे नाव, तिचे फोटो/स्वाक्षरी, तिचा ईमेल आयडी, मोबाईल नंबर आणि पत्ता बदलून तिची ओळख खोटी करून केंद्रीय लोकसेवा आयोगाची फसवणूक (cheating of upsc)केली आहे. त्यामुळे युपीएससीने तिच्याविरोधात गुन्हा दाखल केला (UPSC registered a case)आहे.  

युएससीने पूजा खेडकरची सिव्हिलची उमेदवारी रद्द करण्यासाठी कारणे दाखवा नोटीस जारी केली आहे. तसेच UPSC ने पोलिस अधिकाऱ्यांकडे FIR दाखल करून फौजदारी खटल्यासह तिच्याविरुद्ध अनेक कारवाई सुरू केल्या आहेत. त्याच प्रमाणे नागरी सेवा परीक्षा-2022 च्या नियमांनुसार भविष्यातील परीक्षा व निवड यापासून तिच्यावर बंदी घातली आहे.

UPSC आपल्या घटनात्मक आदेशाचे काटेकोरपणे पालन करते.त्यात कोणत्याही तडजोड करत नाही. योग्य परिश्रमाच्या शक्यतेच्या क्रमाने सर्व परीक्षांसह सर्व प्रक्रिया पार पाडते. UPSC ने अत्यंत निष्पक्षतेने आणि नियमांचे काटेकोर पालन करून सर्व परीक्षा प्रक्रियेची गोपनीयता पाळते.

UPSC ने जनतेकडून आणि त्यातही विशेषतः उमेदवारांकडून अत्यंत उच्च दर्जाची विश्वासार्हता मिळविली आहे.असा उच्च विश्वास आणि विश्वासार्हता अबाधित राहावी.त्यात कोणतीही तडजोड न करण्याबाबत  आयोग वचनबद्ध आहे,असे केंद्रीय लोकसेवा आयोगाने प्रसिद्धी पत्रकाद्वारे स्पष्ट केले आहे.