पोलीस दल ITBP अंतर्गत 526 जागांसाठी भरती सुरू
या भरती मोहिमेअंतर्गत एकूण 526 जागा भरल्या जाणार आहेत. यासाठी इच्छुक आणि पात्र असलेल्या उमेदवारांकडून अर्ज मागवण्यात आले आहेत. अर्ज ऑनलाईन पद्धतीने करायचा असून ही प्रक्रिया 15 नोव्हेंबरपासून सुरू होणार आहे. अर्ज करण्याची अंतिम मुदत १४ डिसेंबरअसणार आहे.
eduvarta@gmail.com 
एज्युवार्ता न्यूज नेटवर्क
इंडो-तिबेट सीमा पोलीस दल (ITBP) अंतर्गत एसआय (दुरसंचार), हेड कॉन्स्टेबल (दुरसंचार) आणि कॉन्स्टेबल (दुरसंचार) (SI, Head Constable and Constable (Communication)) पदांच्या भरतीसाठी जाहिरात प्रसिद्ध (Advertised for recruitment) करण्यात आली आहे. या भरती मोहिमेअंतर्गत एकूण 526 जागा भरल्या जाणार आहेत.यासाठी इच्छुक आणि पात्र असलेल्या उमेदवारांकडून अर्ज मागवण्यात आले आहेत. अर्ज ऑनलाईन पद्धतीने करायचा असून ही प्रक्रिया 15 नोव्हेंबरपासून सुरू होणार आहे. अर्ज करण्याची अंतिम मुदत १४ डिसेंबर (Deadline December 14th)असणार आहे.
इंडो-तिबेट सीमा पोलीस दलात सामील होण्यासाठी इच्छुक उमेदवार अधिकृत संकेतस्थळ recruitment.itbpolice.nic.in. वर जाऊन अर्ज करू शकतात. या भरती अंतर्गत एसआय -92 पदे, हेड काॅन्स्टेबल - 383 पदे आणि काॅन्स्टेबल - 51 पदे, अशी एकूण 526 रिक्त जागा भरण्यात येणार आहेत. अर्ज करण्यासाठी जनरल/ओबीसी/ई़़डब्ल्यूएस उमेदवारांकडून 200 रुपये परीक्षा शुल्क आकारण्यात येणार आहे. तर एससी/एसटी/माजी सैनिक आणि सर्व महिला उमेदवारासाठी 100 रुपये परीक्षा शुल्क असणार आहे.
एसआय पदासाठी उमेदवाराचे वय 20 ते 25 वर्ष दरम्यान असणे आवश्यक आहे. तसेच बी. एस्सी, बी. टेक, बीसीए या पदवीचे शिक्षण घेतलेलेच उमेदवार पात्र असणार आहेत. तर हेड काॅन्स्टेबल आणि काॅन्स्टेबल या पदांसाठी उमेदवाराचे वय हे 18 चे 23 वर्ष या दरम्यान असणे आवश्यक आहे. हेड काॅन्स्टेबल पदासाठी अर्ज करणार्या उमेदवाराने 12 वी उत्तीर्ण व पीएमसी/आयटीआय/ डिप्लोमा इन इंजिनिअरींगचे शिक्षण पूर्ण केलेले असावे. तर काॅन्स्टेबल पदासाठी अर्ज करणारा उमेदवार दहावी उत्तीर्ण असणे आवश्यक आहे.
